Monday, September 12, 2005

Jæja...

Ég efast um að sósíalisminn sé dauður. Ég held hann hafi alltaf lyktað svona.

15 Comments:

Anonymous Anonymous said...

This comment has been removed by a blog administrator.

6:52 PM  
Anonymous Jósi said...

Ég skora á þig að heimta að borga skólagöngu barna þinna og allar læknis og spítalaferðir. Ég sé þig alveg fyrir mér:

"Nei, taktu við þessu, ég trúi ekki á sósíalisma og ætla að borga sjálfur fyrir þetta.

Nú, á ég ekki nóg? Heyrðu, þá sleppi ég bara þessari hjartaaðgerð. Arrgghhhdauðahryglaarrrrghh..."

Kapitalistalummur eins og að "markaðurinn refsi þeim sem spili ekki samkvæmt leikreglum hans" verða merkingarlausar þegar þeim er beitt á mannréttindi eins og menntun og heilbrigði. Þar vinnur sósíalisminn.

7:58 PM  
Anonymous jökull litli frændi said...

Ég ætla að binda greinilega enda á þetta orðapopparaþáttabull með þessu


Leoncie tekur Estacy - Fjölskylduþáttur..



Jökull kveður.. og þetta var greinilega það síðasta.. bless.. og takk fyrir ánægjulega orðarímsstundir

9:47 PM  
Blogger Ingvar Valgeirsson said...

Ég er að borga fyrir skólagöngu barna minna og hjartaaðgerð, þurfi ég á henni að halda seinna meir - ég geri það með skattfénu mínu, sem er ekki bara 38% af öllum mínum launum, sem fara umfram skattleysismörk (sem vel á minnst VG hafa sagt að sé mjög hæfileg tala), heldur fara 20% af þeim peningum sem ég eyði í vörur og þjónustu í ríkiskassann í formi virðisaukaskatts. Þess utan eru dvd-myndirnar sem ég kaupi mér tollaðar upp í rassgatið, sem og bjórinn sem ég drekk og fötin sem ég geng í, þannig að ef þessari nauðungarinnheimtu væri sleppt gæti ég sjálfur borgað strákana mína gegnum skóla og keypt mér rándýra alhliða sjúkratryggingu sem koveraði mig og mína familíu frá toppi til táar.

12:05 PM  
Blogger Ingvar Valgeirsson said...

Vil reyndar bæta við (sendi inn of snemma, sko - algengt vandamál hjá strákum) að ríkisrekinn skóli flokkast ekki undir sósíalisma. Ríkisreknir skólar fyrirfinnast í jafnvel mestu kapítalistalöndum heims, sem og spítalar. Ég tel ekki að orðið sósíalismi þýði að ríkið reki skóla og spítala. Öll ríki gera það, sama hversu kapítalísk þau eru. Sósíalismi er mun fremur styrkir til listamanna, bænda og annara þeirra sem vilja ekki skipta um vinnu þó hún borgi seg ekki, útgerð á tómum strætisvögnum, viðhald á ríkisfyrirtækjum í bullandi taprekstri, gerð jarðgangna sem kosta sjö milljarða og þjóna 1,500 manna bæjarfélagi (og skemma Héðinsfjörð, sem er mun fallegri en Kárahnjúkar), svo ekki sé talað um þá bunka af milljónum sem íþróttaiðkendur fá af skattfé okkar til að sinna áhugamálum sínum.
Annars væri ég alveg til í að einkareknum skólum yrði gert auðveldara um vik hér á landi. Þá yrði ekki ráðandi þáttur í íbúðarkaupum landsmanna hvaða skólar eru í nágrenninu, eins og var hjá okkur hjónum.
Sama á að miklu leyti við um einkareknar læknastofur, sem bjóða ekki bara upp á betri þjónustu (t.d. nokkrum vikum stytri biðtíma), heldur mismuna ekki fólki eftir því við hvaða götu það býr.

12:59 PM  
Anonymous Anonymous said...

Lífinu kastað á glæ með Vigni snæ - vignir í írafár drekkur sig til dauða.
G..

2:02 PM  
Blogger Jimy Maack said...

sko, það magnaða er, að bæði kerfin eru meingölluð.

ég legg til að við tökum upp menntað eins manns einræði, samanber það sem fyrirfinnst í Ankh-Morpork í hinum bráðsmellnu Discworld bókum.

ég pant vera einræðisherra.

10:24 AM  
Blogger Ingvar Valgeirsson said...

Ef á að taka upp menntað einræði þarf einhvern sem kann að lesa og skrifa. Því er ég mun skemmtilegri kostur en þú, auk þess sem ég lagði inn pöntun á einræði hérlendir fyrir rúmu ári síðan.
Þú færð hinsvegar skemmtilega innivinnu hjá heilbrigðismálaráðherra, þú kemur til með að sjá um róandi lyf.

10:50 AM  
Blogger Jimy Maack said...

Takk, ég tek þeirri stöðu glaðlega, en hinsvegar þá vil ég líka fá svona 1-2 cabinet til viðbótar eins og

klæðaburðarvelvaxinnakvenmannaumtvítugtmálaráðherra
og
menntamálaráðherra

3:13 PM  
Anonymous Anonymous said...

Þú ert enn meiri vitleysingur en ég hélt, bróðurómynd sæl.
"Sama á að miklu leyti við um einkareknar læknastofur, sem bjóða ekki bara upp á betri þjónustu (t.d. nokkrum vikum stytri biðtíma), heldur mismuna ekki fólki eftir því við hvaða götu það býr".
Það er bara spurning hvað þú átt mikinn pening, væni.
Þar er mismununin og ekki skrýtið að þessir helvítis bláliðar, vinir þínir, vilji einkarekið heilbrigðiskerfi þannig að þeir blönku geti bara drepist. jamm, ef þú ert dauður þá kostar þú ekkert, eða hvað.
Helvítis bláliðar.
Arnar í sumarskapi.

4:30 PM  
Blogger Ingvar Valgeirsson said...

Er ekki kommakrípið hann bróðir minn kominn í slaginn.
Mig langar að svara þessu með einkareknu læknastofurnar - það er full þörf á þeim. Þeir sem eiga fullt af peningum nota þær og stytta þar með biðtímann á hinum sem eru að öllu leyti ríkisreknar. Framúrskarandi læknar, sem alla jafna fara til útlanda til að fá stjörnulaun, fara að vinna á þeim einkareknu og haldast þá frekar hér heima á skerinu.
Þær sjá einnig hag sinn í að bjóða framúrskarandi þjónustu - sem þær virðast vera að gera - til að kúnninn komi frekar til þeirra þó það kosti extra.
Það er enginn mínus við að einkareknar læknastofur fái að vaða uppi í öllum kjördæmum.
Fyrir hina, sem minna hafa milli handanna, eru hinar ennþá opnar með lengri biðtíma og ekki jafn góðan sörvis - eins og þær hafa alltaf verið.
Svo eru nýrri tímarit á hinum einkareknu.
Svo segirðu að þetta sé bara fyrir þá sem eiga pening - fleiri ættu eitthvað af peningum ef skattar yrðu lækkaðir, bæði tekju og virðisauka, tollar yrðu lækkaðir og í allnokkrum tilfellum afnumdir og útgjöld til íþróttafélaga og annara "áhugamála ókunnugra" yrði lögð af með öllu.
Þá væri gaman.

10:33 AM  
Anonymous Anonymous said...

djöfuls bullandi kapítalisti ertu bróðurómynd.
Myndi kannski skilja það ef þú ættir eitthvað af aurum. Gott að hafa helvítin á klakanum sem græða nógu andskoti mikið á kúnnanum enda er verið að sjúkdómavæða samfélagið dag hvern. Við hin, þú og ég, sem ekki eigum péning, getum farið á ríkisspítalana. Þú fattar það bara ekki fíbblið þitt, að ef allt verður einkarekið, eins og þið bláliðar og grænliðavitleysingarnir, sveitalubbarnir sem þykjast vera límið í öllum stjórnmálum, eins fáir eins og þeir eru, þá verða engin ríkissjúkrahús. Ríkið er að spara með þessu og borgar bara læknum fyrir að sjá um þetta. Þeir sem eiga ekki pening geta drepist. Það kæmi nú kannski við fólk ef einhver fjölskyldumeðlimur veiktist mjööööög alvarlega og þyrfti að fara í kostnaðarsamar rannsóknir, jafnvel aðgerðir - ha.
versogúd, blanki bláliði og hlustaðu nú einu sinni á stórabróður og vin hans Steingrím J. (Ekki Dabba djöful sem sýndi sitt skítlega eðli almennilega með því að hækka launin sín og eftirlaunin sem hann hefur nota bene líka)!
En þetta fílar þú......

1:28 PM  
Blogger Ingvar Valgeirsson said...

Bíddu... var ekki Dabbi að henda 18,000,000,000 krónum í spítala?
Má einnig benda á að þótt Dabbi hafi ágætislaun í Seðlabákninu, þá eru flestir ef ekki allir bankastjórar hinna bankanna með hærri laun. Svo er það nú.
Ég hef aldrei sagst vera á móti ríkisreknum spítulum, þó ég sé fylgjandi því að til séu einkareknar læknastofur (sem eru ekki sami hlutur og spítali).
Ég er nefnilega fylgjandi því að læknar neyðist ekki til að vinna hjá ríkinu, heldur geti einnig unnið á frjálsum markaði. Það er allra hagur.
Hinsvegar yrði það sjúklingum mjög í óhag ef Steingrímur J. og hans kommahyski kæmist til valda, því þá þá væri ekki til peningur til að lækna einn né neinn, því allt færi á hausinn - eins og síðast þegar hann sat í ríkisstjórn.
Það er nefnilega eins og mig minni að þegar hann var síðast ráðherra og hans lið hafi verðólga verið hér talsvert hærri en hún er í dag, atvinnuleysi talsvert meira en það er í dag, svo ekki sé talað um langtímaatvinnuleysi sem gerði það að verkum að ófáir héngu í snörum ofan úr rjáfri í íbúðunum sem þeir voru búnir að missa á uppboð vegna óðaverðbólgu.
Stemmir ekki þessi lýsing nokkurnveginn eða ertu búinn að missa minnið?

2:07 PM  
Anonymous Anonymous said...

nei, ingvar gítarálfur. Dabbi var ekki að henda 18 milljörðum í spítala. Hann var heldur ekki að henda einum milljarði í geðfatlaða. Þetta á allt eftir að koma í ljós. Enda var íslenska ríkið að fá 66 milljarða inn á bankabókina sína, sísvona með því að selja símann minn. Dabbi vinur þinn á heldur ekkert að ráðstafa peningunum, alþingi á að gera það.

4:06 PM  
Blogger Ingvar Valgeirsson said...

Ég man ekki betur en að hann hafi alllengi verið æðstistrumpur á alþingi. Enda geturðu ímyndað þér ef peningnum hefði ekki verið ráðstafað strax, heldur beðið með það fram yfir kosningar - allir flokkar hefðu lofað að ausa í sérhagsmunasamtök - eins og íþróttahomma og jarðgangnafíkla - til þess að veiða sér atkvæði. Þá er ég nú hræddur um að hvorki sjúkrahús né stofnanir fyrir geðfatlaða hefðu fengið krónu, þetta hefði allt lent hjá kjördæmapoturum, endað sem malbik á fáförnum sveitavegum, íþróttamannvirki, samkomuhús í héraði og tónlistarhús, jarðgöng og sullumbull.

10:22 AM  

Post a Comment

<< Home