Tuesday, May 31, 2005

Meira getraunadrazl

Hey! Best að gera meira getraunaeitthvað, fyrst svona margir eru með.

Aftur er spurt um kvikmyndaleikara... því þeir eru jú eitt af mínum aðaláhugamálum!

Um er að ræða blökkumann, sem lék nýverið í endurgerð frægrar spennumyndar. Hann lék einnig lykilpersónu í frægum bíóþríleik, auk þess sem hann þótti hreint óborganlegur í túlkun sinni á frægum tónlistarmanni í sannsögulegri mynd - vart þarf að taka fram að tónlistarmaðurinn sem um ræðir er með sama litarhaft og leikarinn, þ.e. blakkur.

Eitt af fyrstu hlutverkum hans var hlutverk gríðarlega mikils óþokka í einni af myndunum í frægum "framhaldsbíómyndaflokki", hvar aðalleikarinnvar ætíð sá sami.

Hver er negrinn?

Jósi vann!

Jósi klippikrumla vann djétraunina og það í fyrsta kasti. Umræddur leikari var enginn annar en Harvey Keitel, sem hefur leikið bæði djöfulinn og Júdas og margt annað skemmtilegt.
Óska ég Jósa til hamingju og kem með nýja getraun von bráðar.
Annars er ég bara í stuði eftir skemmtilegan vinnudag, ætla heim að horfa á Skjá Sveins í allt kvöld og Simpsons á dvd eftir það, ef mér endist hressleiki til.
Grúví.

Monday, May 30, 2005

Stuð og fjör enn einu sinni

Gaman var á laugardagskvöldið, en eins og glöggir lesendur bloggsins muna þá var ég að leika á Ara í Ögri einmitt þá. Var það ögn frábrugðið því sem maður á að venjast, en gaman engur að síður. Sérstaklega var gaman að Hjörtur frændi skildi kíkja við með kerlinguna í eftirdragi og í svakastuði. Jói leikari kom einmitt, nýútskrifaður, og tók syrpu af Bubbalögum sem margir voru búnir að biðja um, en ég kunni ekki. Þarf að læra Svartan afgan við tækifæri.

Hvað um það, getraunin...

Hver er bíóleikarinn?

Hann er á sjötugsaldri, nýorðinn pabbi. Hann hefur unnið með nokkrum alflottustu leikstjórum seinni tíma, bæði í þrælgóðum myndum og alveg ömurlegum, en hann sem slíkur er ætíð frábær.
Hann hefur leikið löggur og bófa, persónur úr Biblíunni (allavega tvær), nasista, bandarískan hermann sem drepur nasista, auk þess að leika sjálfan sig í einhverjum tilfellum og vera meðframleiðandi. Hann lék einnig í Kojak á sínum tíma.

Hver er kallinn?

Saturday, May 28, 2005

Ari

Verð víst að leika á Ara í Ögri annað kvöld, einn míns liðs. Aldrei spilað þar áður. Byrja kl. 12 og mætiði öll. Kannski maður taki eitthvað annað en venjulega, því þetta er víst ögn rólegri staður en maður er vanur að leika á um helgar.
Fjölmennið.
Nefndin.

Thursday, May 26, 2005

Spæsgöls

Hey! Las í Mogganum að Spice Girls væru jafnvel að fara að koma saman aftur. Gaman að því.
Hafiði pælt í að Arinbjörn er á ensku Fireplace-bear... Einar er Loner... Bárður er Bastard... eða Motherfucking son of a bitch... Bergur er Rock... er Sandra stytting á Sand-Rah, eða sand og sólguðinn? Margrét er Cried many times...

Hvað var í pípunni minni?

Wednesday, May 25, 2005

Ég spyr...

hvað heitirðu?

Emmbéellpunkturfimmtán part II

Þeir löguðu fréttina, helvízkir. En trúið mér, þetta var svona. Ég hef vitni!

Tuesday, May 24, 2005

Emmbjéellpunkturfimmtán

Á mbl.is er frétt um sjálfsmorð í rússneska hernum, en þau eru víst tíð og kenna menn um slæmri meðferð á nýliðum. Fréttin, sem er jú sorgleg, endar hinsvegar á þessum skemmtilegu orðum:

"Sagði hann fjölgunina eiga rækjur að rekja til skorts á aga."

Nú, jæja...
http://mbl.is/mm/frettir/erlent/frett.html?nid=1140053

Sherlock Holmes og Dirty Harry

Mikið lifandi skelfingar ósköp er gaman að Skjár einn skuli hafa sýnt allar Dirty Harry myndirnar í runu nú upp á síðkastið. Ekki jafn gaman að þær voru sýndar á sunnudagskvöldum þegar ég er einmitt að leika á Dubliner. Hinsvegar féllu niður hjá mér tvö af þessum kvöldum og sá ég því Magnum Force og nú síðasta sunnudag Dead Pool. Magnum Force fannst mér alltaf langnæstbest af þeim fimm og Dead Pool, þrátt fyrir að hún sé ekki mögnuð, finnst mér allskemmtileg.
Jim Carrey var í henni, söng eitt Guns´n´roses-lag og lét svo drepa sig. Guns´n´roses mættu svo í jarðarförina. Magnað. Liam Neeson svo með írska hreiminn í yfirvinnu.
Að lokinni Dead Pool setti ég Private life of Sherlock Holmes á fóninn og er hún ansi hreint fokkings frábær. Bæði spennandi, fyndin, skemmtileg og bara þrælgóð í alla staði. Leikstýrt af Billy Wilder, sem er einn af mínum alveg uppáhalds.

Hvað um það, ég og Halli Hólmenkollen rústuðum Dubliner í gær og tel ég fullvíst að Halli hafi aldrei verið fyndnari.

Hann var í alvörunni fyndinn!

Við sungum og lékum og Halli drap nokkra danska túrhesta úr hlátri. Vonandi getur hann myrt nokkra norska bráðum, þeir eru óþolandi undirmálspakk. Reyndar áttum við ekkert að vera að spila, en vorum staddir á staðnum og í fíling með erlendan gest þannig að...
Gaman að því, Þuríður mín.

Sunday, May 22, 2005

Hvítur ymur

White noise er drullufín og gef ég henni þrjár drullukökur. Drulluspennandi svo ég var næstum því búinn að drulla á mig.
Spilaði upp í Nesi Borgar í gærkvöld. Drullugaman. Ég, Egill og Binni lékum af okkur rassgatið og fengum fullt af drulluskemmtilegum óskalögum. Fólk var bara grenjandi um Hendrix, Zappa og Cream og finnst mér það drulluskemmtilegir ballgestir. Mættu hundrað kvikindi á ballið og það er drullufínt. Vorum við strákarnir í Swiss líka miklu skemmtilegri en júróvisjónið í sjónvarpinu. Sá smá af því og þetta var allt eins. Trommað yfir sig og ætlaði mann lifandi að drepa á úr leiðindum.
Drullumsull og sullumbull, oj bjakk en það svínarí.
Best að fara að drulla.

Saturday, May 21, 2005

Fös

Mikið svakalega er ég ekkert að spila í kvöld og ljómandi verður gaman þá. Verður indælt að liggja heima og horfa á White Noise (http://imdb.com/title/tt0375210/), ef ekkert er í sjónvarpinu.
Jafnvel að stúta einni hvítvín og éta nammigott svo ég verði feitur og fullur sófaalki.

Best að vitna í Egil Rabbs, sem stundum ratast fyndið orð á munn (öfugt við Halla Hólm, hehe). Við vorum að spila í Borgarnesi sl. sunnudagskvöld - rétt eins og annað kvöld - og Egill brá sér til salernis. Þegar hann kom til baka, hálfhaltrandi af endaþarfssársauka, sagði hann þessa skemmtilegu setningu:

"Klósettpappírinn hérna er svo vondur að það blæðir meira úr rassgatinu á mér heldur en rassgatinu á Edward Norton í American History X!"

Og ekki orð um það meir!

Góða Helgi Björns.

Friday, May 20, 2005

Góðir landsmenn!

Til hamingju!

Thursday, May 19, 2005

Íþróttabölið

Bjarni Randver, stórvinur minn, var að benda mér á forvitnilega frétt. Það sem af er árinu hafa 6 ungmenni látist í Svíþjóð af völdum stórhættulegs tómstundagamans, sem ég hef barist á móti um langan tíma - fótbolta.
Einnig sagði frá því í fréttinni að 200 manns látast í Bandaríkjunum árlega í hafnarbolta.

Á ekki að gera neitt í þessu?

Á ekki að draga neinn til ábyrgðar?

Á að halda áfram að skylda skólabörn til að taka þátt í þessari bévítans villimennsku?

Þarf ekki að ræða þennan vágest - keppnisíþróttir - á Alþingi og setja lög yfir þetta helv...
Var að horfa á Ocean´s Twelve. Ókei, það er margt voða fyndið í myndinni, auk þess sem sándtrakkið er fullkomlega óaðfinnanlegt eins og leikarasúpan, en ég þoli ekki svona innbrotsþjófamyndir þar sem allir bófarnir vita nákvæmlega hvernig öryggiskerfið er og klukkan hað kallinn í húsinu fer að sofa og hvað hann borðar í kvöldmat og hvað hann hlustar á fyrir svefninn og í hvaða lest dótið fer sem þeir ætla að stela oghvað eru margir verðir og hvað þeir eru gamlir og allt. Hvernig í andsk... eiga þeir að vita þetta? Það væri ekki hægt að vita svona mikið um allt sem máli skiptir þó að eigandi þess sem á að stela væri að stela því sjálfur!

Góð innbrotsmynd - Grand Slam síðan ´67.
How to steal a million er líka ferlega góð í minningunni þó ég hafi ekki lagt í að sjá hana í meira en áratug af ótta við að eyðileggja góða minningu.
Thief (með James Caan) var líka svakafín, en þó var hún líka svona "öryggiskerfið er frá Johnson og Wium og lykilorðið er rassgat" mynd þar seminnbrotsþjófurinn veit alltof mikið um allt. Hún er samt eftir Michael Mann og hann er tussufínn.Ég er búinn að drekka smá bjór, var að hjálpa tjellingunni með lokaverkefnið í skólanum og er farinn að sofa.Fokkjú.Ingvar Drullumsull.

Hans

Hans, vinur minn, býr í Kína. Hann getur þar af leiðandi ekki lesið bloggið mitt, vegna þess að svona þrælkapítalískar síður eru utan kíverska Linux-kerfisins ríkisrekna.
Manni finnst nóg um að hann sé umkringdur kommúnistaskröttum, gulum að lit, þar flesta daga, en steininn tók nú úr nýverið. Sá ég ekki Hans ásamt Ólafi Ragnari - skellihlæjandi - á sjónvarpsskjánum. Það er greinilega ekki nóg af kommum í Kína svo þeir flytja inn forseta vorn ásamt milljón manna föruneyti.

Hans - skammastu þín!

Annars horfði ég á Alone in the Dark í gær, hrollvekju með Christian Slater í analhlutverki. Hún sýgur úldinn þorsk!

Djetraun - her er leikarinn?

Hann fékk Óskar fyrir að leika löggu.

Hann lék í Bond-mynd.

Hann hefur leikið í myndum með Brad Pitt, Catherine Zeta Jones, James Caan, Jack Nicholson, Christopher Walken, Dennis Quaid, Johnny Depp, Tommy Lee Jones, Kevin Spacey, Dennis Hopper, David Bowie og fleirum.

Hver er kallinn?

Wednesday, May 18, 2005

Æææææææi!

Ég kemst ekki inn á bloggið mitt - sé ekki neitt!
Æææææi!
Hvað á ég að gera? Hvaða dagur er? Hvað er klukkan eiginlega í þessu blogglausa sólkerfi?

Thursday, May 12, 2005

Meira kviss!!!

Vegna gríðarlegrar þáttöku (yfir 50 kvikindi!!!) hef ég smítt meira kviss sem þið getið stytt ykkur stundir - eða aldur - við.
Mig langar að útskýra eitt úr fyrra kvissi (sem er ógilt hér með). Syngjandi ávextirnir voru sumsé atriði úr Ávaxtakörfunni sem var partur af Bylgjulestinni ´99.
Af hverju nefndu svona margir Andreu Gylfa við "í sleik" spurningunni? Gefið grey stelpunni smá kredit,ó mæ..!


http://www.quizyourfriends.com/yourquiz.php?quizname=050511144408-303848

og skemmtil mér vel!

Wednesday, May 11, 2005

Bobbi Skorsteins

Það er eitthvað nýtt Bubbalag í útvarpinu - það gæti drepið sæhest úr leiðindum!

Tuesday, May 10, 2005

Óli Grís

Ólafur Ragnar, forseti klakans, er í Kína. Gott væri ef hann yrði þar kyrr hjá hinum kommunum.
Hann var að opna Oasis-verslun. Oasis er í eigu Baugs.

Eins og Ólafur.

Andriki.is benti nýverið á skemmtilegan hlut. Í forsetakosningabaráttunni ´96 tók Ólafur, sem og hans fylgismenn, skýrt og greinilega fram að Grísinn hefði aldrei veirð ritstjóri Þjóðviljans heitins. Hann þvertók fyrir það að hafa verið ritstjóri, sagðist hafa verið blaðamaður og unnið náið með ritstjórninni, en hefði ekki verið ritstjóri. Væntanlega hefur þetta verið gert til að reyna að gera lítið úr kommanum í honum.
Svo nú um daginn opnar heimasíðan hans, forseti.is. Þar er til dæmis litið yfir aldur og fyrri störf og viti menn - ´83-´85 - ritstjóri Þjóðviljans!

Þetta kemur svo sem engum á óvart sem man eftir umræðunni um trú forsetans, þegar hann var trúlaus einn daginn og voða trúaður þann næsta, þegar til stóð að hann yrði forseti og þar með æðsti yfirmaður kirkjunnar.

Þar með er þetta komið frá mér og hananú!

Réttdræpt fólk

Við Egill vorum að ræða nýverið um menn sem hefðu betur haldið kjafti á sínum tíma. Komu þar upp allnokkrar hugmyndir sem gaman væri að kippa í liðinn og leiðrétta ef maður ætti tímavél.

Dæmi um þetta eru til dæmis maðurinn sem sagði við Phil Collins: "Hva, er söngvarinn hættur í Genesis? Syngur þú þá ekki bara?"

Maðurinn sem sagði við George Lucas: "Nei, ekki henda Ewokunum út úr handritinu, þeir eru frábærir!"

Sami maður seinna við Lucas: "Þessi samkynhneygða, útúrskakka, síröflandi rastafarasnareðla er fín, maður! Köllum hana Jar Jar Binks!"

Maðurinn sem sagði við Stevie Wonder: "Þú ættir að prófa að nota meira trommuheila og prógrammeringar!"

Maðurinn sem sagði við John Lennon: "John, má ég kynna, Yoko Ono!"

Maðurinn sem sagði við John Belushi: "Þú ættir endilega að prófa þetta kókaín!"

Maðurinn sem sagði við Tom Selleck: "Nei, ekki taka að þér þetta Indiana Jones-hlutverk. Magnum P.I. er málið!"

Maðurinn sem sagði við Mama Cass: "Hey fáðu þér samloku!"

Reyndar sagði Egill að ef Karen Carpender hefði étið samlokuna sem Mama Cass kafnaði á væru þær jafnvel báðar á lífi í dag...

Og að lokum... maðurinn sem sagði við Geir Ólafs: "Hey, þú syngur bara býsna vel og ert rosalega skemmtilegur, þú ættir að gera eitthvað úr þessu!"

Monday, May 09, 2005

Jújú

Sveppur yngri er veikur enn eina ferðina og því liggur maður heima honum til samlætis. Vorum að panta okkur piparsteik frá Robin Hood til að gera lífið bærilegra.
Kveikti á imbanum áðan til að horfa á beina útsendingu frá Alþingi og hugsaði með mérhvað ég væri orðinnógeðslega gamall, ég hef rökstudda skoðun á flestum málum og horfi af fast að því jafnmiklum áhuga á þetta eins og á 24.
Steingrímur og Davíð eru sammála og er það fátítt, hefur ekki gerst síðan í Kryddsíldinni um áramótin ´92-´93. Skemmtilegt.
Annars vil ég þakka þáttöku í kvissinu, ég habbði ei grun um að svona margir læst bloggið, hehe.
Næu ætlar Stefán að blogga:

ghhgbjnkhjhgjgjjjutuu9guujhh.´æo7ukÞljkmjim hhhhhhhhhhhhohhhhhhhhhhhhhhhhhhhhhhhhhhhhhhyyokylyhkolykhm,ykmhcd bxcz<

Takk fyrir það.

Saturday, May 07, 2005

Kviss

Sá á bloggi Bigga Bald að hann hefði gert kviss um sjálfan sig. Ég var skítlélegur í því, þannig að ég bjó til míns eigins kviss - og veit öll svörin!!!
En þú? Tchjékkaðu:



http://www.quizyourfriends.com/yourquiz.php?quizname=050507081049-887867

og láttu mig svo vita.

Friday, May 06, 2005

Aaaarrrgh!

Agalegt er þetta. Fyrir nokkrum dögum átti ég heddling af pjéningum, alveg flæddi upp úr öllum vösum og debetkortið breytti um lit og lögum sökum feitrar innistæðu. Svo núna er þetta allt að klárast! Leiga, símreikningar, hljóðfæri (jú, það kannski útskýrir þetta), matur, bleijur, barnapössun, bjór, bensín, gallabuxur, dvd-myndir...
Mikið svakalega er dýrt að lifa - mesta furða hvað það er samt alltaf vinsælt!

Mikið leikið á Bar Satans

Maður er allherfilega bissí í spileríi þessa vikuna. Var að spila á þriðjudags og miðvikudagskvöld, í gær, í kvöld verð ég einnig sem og tvö næstu kvöld - mögulega þrjú. Sumsé vika nonstop. Ýmist einn og sér eða í smærri hópum eins og sagði hér einu sinni.
Var að leika með Aggli Rabbs og Binna bassa (sem ég hafði aldrei heyrt í og kom skemmtilega á óvart) á miðvikudagskvöldið og það var voða gaman. Byrjuðum um eittleytið á efri hæð Djöflíner, byrjuðum á hinum sívinsæla Steve Möller-slagara "The Joker". Þá komu Bergur Geirs, Villi Goði og Þorgils Björgvins askvaðandi og ætluðu að fá að taka eitt lag. Þeir spiluðu í vel rúman klukkutíma.
Þá var pása.
Svo byrjuðum við aftur, hljómsveitin mín. Spiluðum "The Joker". Sumsé, þegar tveir tímar voru liðnir frá því að við byrjuðum höfðum við spilað eitt lag - tvisvar!
Hinsvegar var þrumustuð og stemning og allir kátir. Við verðum jú aftur um helgina, sama stað, sama fólk, ný lög en sömu sóló! Mætið þangað eða verið ferhyrningar.

Thursday, May 05, 2005

Ingvar er Erlendur í Mýrinni

Enn og aftur brá mér þegar ég las um skyndilegan bíóferil minn í DV, sá að ég átti að leika Erlend í bíómyndaversjóninni af Mýrinni eftir Arnald Indriðason. Svo við nánari lesningu sá ég að það var nafni minn Sigurðsson sem var verið að tala um. Það er svosem ekkert skrýtið því hann er örugglega miklu betri leikari en ég, þó svo ég hafi farið á kostum í hlutverki Runólfs minningasjúklings í Ómunatíð eftir Þórarin Eldjárn þegar ég var í leikklúbbnum Stælt og stolið í VMA 1988. Þá leikstýrði Skúli Gautason og fannst mér hann - og finnst enn - alveg frábær.
Hvað um það, ég las Mýrina fyrir ekki svo löngu síðan og fannst bókin fullkomlega frábær. Því fyllist ég smá kvíða fyrst það er verið að kvikmynda hana, því oft er bókin betri eins og málshátturinn segir. Svo finnst mér nafni minn Sigurðs, þrátt fyrir að vera óneitanlega einn albesti leikari landsins fyrr og síðar, fullungur fyrir rulluna. Læðist að manni sá grunur að þeir vilji hann til framtíðar, ætli jafnvel að gera seríu - Erlendur, James Bond Íslands.
Sjálfur sá ég fyrir mér Theódór Júlíusson, sem einmitt lék pabba Ingvars í Englum alheimsins. Hvað finnst þér?
Best að fara heim og klára Grafarþögn...

Tuesday, May 03, 2005

Bíó

Búinn að sjá helling af myndum upp á síðkastið. Sá After the sunset með Pierce Brosnan, eftir leikstjóra Red Dragon og Rush Hour - skrýtið, maður veit sumsé ekkert hvernig mynd það er. Hún er hálfslöpp gamanmynd sem hefði getað orðið frábær spennumynd.
Sá Blade Trinity - hún er skemmtileg eins og hinar Blade-myndirnar.
Sá National Tresure með Nicholas Cage - þvílíkt andsk... rippoff!!! Sagan er að parti til svo gersamlega stolin frá Da Vinci Code og sérstaklega Angels and Demons að einhver ætti að fara í fangelsi! NT er samt ekki ónýt, ágætis barnamynd og svo er Sean Bean alltaf frábær vondikall.
Nú, svo sá ég Magnum Force í fyrrakvöld á Skjá Sveins, hún er fín. Var að fatta að ein af vondu löggunum er leikin af Starsky úr þáttunum góðu, Starsky og Hutch, skemmtilegt það. Tónlistin í Magnum er líka snilld eftir Lalo Schiffrin, sem samdi músíkina í Eagle has landed, Where Eagles Dare, Mission Impossible - og After the Sunset, sem minnst er á hér fremst í pistlinum.
Hlakka svo mikið til að sjá Cooler og Stephen King-myndina Rose Red, sem ég fjárfesti í nýverið - jú, lífið er yndislegt.

Gólf

Má ég þá heldur biðja um gamlan Skímómóbíl...

http://cgi.ebay.com/ws/eBayISAPI.dll?ViewItem&item=4545301886

langar einhvern?