Ég sjálfur!

Færzla 701

2007-03-07T11:16:00.000Z

Þetta er færzla nr. 701 hér á bloggernum. Hún er líklegast sú síðasta.

Kíkið á http://ingvarvalgeirs.blog.is/blog/ingvarvalgeirs/ til að lesa meira röfl eða bara klikkið hér.

Blessó.

Röfl og skemmtilegheit

2007-03-07T09:55:00.000Z

Jú, ekki er í heimi hér eintómt volæði og bull. Margt er alveg frábært.

Eldri-Sveppur var hjá mér um sl. helgi og endaði að sjálfsögðu á því að vera barnapía allan tímann og hitti pabba sinn varla neitt. Við náðum þó að góna á The Departed, sem er jú eðalræma í alla staði og mælum við báðir endalaust með henni.

Á laugardaginn lék ég og söng einn míns liðs á Sportbarnum í Jafnaseli, sem gæti talist vera hverfispöbbinn minn. Það var bara nokkuð gaman, sérstaklega eftir að Svenni barþjónn mætti á svæðið og tók á því. Gott ef kerlingin mín mætti ekki líka ásamt samstarfskonu sinni, alveg á sneplunum. Þannig er hún jú líka skást, híhíhí.

Allir í hring!

2007-03-06T17:35:00.000Z

Ég er farinn að hata Blogger mikið.

Fös

2007-03-02T13:01:00.000Z

Sit hér heima með Litla-Svepp veikan og er að fara að smíða hakk og spaghettí. Gaman að því. Drullast svo til vinnu á eftir.

Dr. Gunni á það til að komast skemmtilega að orði. T.d. (nú er ég kannski að brjóta einhver höfundarréttarlög, en hann lemur mig þá bara) þegar hann sagði nýverið:

"26.02.07
Í gær var dagurinn sem VG varð aftur að 10% flokki. Það gerðist þegar Agli Helgasyni tókst glottandi og lúmskur að veiða það upp úr foringjanum að hann myndi gjarnan koma upp "netlögreglu". Steingrímur var auðvitað of heyrnarlaus af jarmi jákórs helgarinnar og móðursjúku helgislepjunni síðustu daga til að fatta hvaða fasísku vitleysu hann var að láta út úr sér. Einmitt, netlöggu! Svona eins og í Kína. Og banna svo bara allt klám. Svona eins og í miðausturlöndum. Vei frábært."

Annars er Eldri-Sveppur hjá mér yfir helgina, ég er að spila á hverfisbar í Breiðholtinu annað kvöld, Sportbar eitthvað á efri hæð dekkjaverkstæðis. Vonandi verður gaman að því. Breiðhyltingar fjölmennið. Aðrir geta þambað hægðir.

Hvað um það, lag dagsins er Hliðrænt barn með hljómsveitinni Flýtir. Upptakan er lífs.

Ammælis

2007-03-01T10:57:00.000Z

Hann á ammælídag
Hann á ammælídag
Hann á ammæl´ann BJÓ-HÓR
Hann á ammælídag!

Bjórinn er átján vetra hérlendis. Sala hans var leyfð hérlendis 1. mars 1989, þrátt fyrir harða andstöðu þeirra vinstrimanna sem þið eruð að fara að kjósa yfir ykkur bráðlega.

Hugsið ykkur, eftir aðeins tvö ár má bjórinn kaupa sig sjálfur!

Í tilefni dagsins ætla ég að fá mér einn í kvöld. Drekka svo flösku af smjörsýru og fara á tælenska karlhóru á eftir, því eins og allir vita ruglar bjórinn dómgreindina.

Vinstri galnir

2007-02-27T18:45:00.000Z

Mér finnst alveg svakalega fyndið að allir á fjölmennu landþingi Vinstri grænna hafi komið á einkabíl á þingið. Ekki fótgangandi, nú eða með strætó, sem þó er flokknum svo hugleikinn að fulltrúa flokksins í borgarstjórn fannst allt í lagi að ljúga til um kostnað við rekstur SVR til að koma ekki óorði á fyrirtækið.

Annars finnst mér þetta fyndið, þó svo höfundurinn sé ekki ofarlega á jólakortalistanum mínum.
Samt ekki fyndið, eiginlega sorglegt, sökum þess að þetta gæti farið í gang eftir aðeins fáa mánuði.

Eins og einhver sagði - þetta er vatnsmelónupólítík - þetta á kannski að heita grænt að utan, en innvolsið er rautt.

Ég er bara oggolítið fúll vegna þeirrar forsjárhyggju sem nú virðist, illu heilli, vera að komast í tísku. Allir landsins pólítísku lýðskrumarar virtust sammála um að banna fólki að koma til landsins vegna þess að þeim líkaði ekki vinnan þeirra. VG bæta um betur og vilja lög gegn nagladekkjum og vilja internetlögreglu. Boð og bönn við öllu, sem þeim finnst ekki við hæfi. Þú mátt ekki velja sjálfur hvað þú vilt gera, það er valið fyrir þig - og íslenskt samfélag skýst áratugi aftur í tímann.

Vegna þessa er aukalag dagsins hér. Textinn er við hæfi, sérstaklega parturinn:

"They say there are strangers who threaten us,
Our immigrants and infidels.
They say there is strangeness too dangerous
In our theaters and bookstore shelves.
Those who know what's best for us
Must rise and save us from ourselves".

Gargandi snilld, en illu heilli ekki fjarri raunveruleikanum hérlendis.

Lifið heil og ég elska ykkur öll í kór. Drekkiði lakk.

Norður og niður

2007-02-27T10:24:00.000Z

Fór norður til ma og pa um helgina. Lék svo fyrir almennri drykkju á Café Amour, sem er nokkuð vinalegur staður hvar ekki má reykja. Það er gott ef maður sé að syngja, sko. Gekk bara nokkuð vel, allavega svo vel að ég er að leika þarna aftur helgina fyrir páska. Jibbí. Drykkja var samt fulllítil, reyna að gera betur næst.

Það er kannski að bera í bakkafullan lækinn að segja meira um klámhundaráðstefnuna og það allt, en eitt vil ég segja - Þórhildur Elín, sem oft röflar á baksíðu Fréttablasins, hélt því fram í pistli sínum í síðustu viku að kannanir hefðu sýnt að meirihluti klámmyndaleikkvenna hefði orðið fyrir misnotkun í æsku og væru háðar fíkniefnum. Þetta átti víst að réttlæta fasíska framkomu almennings, stjórnvalda og loks hóteleigenda í garð þessa fólks. Ég hef oft heyrt talað um þessar kannanir þó svo femínasistar verði kjaftstopp (þá sjaldan það gerist) þegar á að sýna þessar kannanir, nú eða bara segja frá hver framkvæmdi þær. Veit það einhver? Eru þessar kannanir raunverulegar eða er þessi Þórhildur sek um fréttafölsun? Gæti hún bent á einhverjar svona kannanir?

Ég bara spyr...

Svo er Youtube að fara að loka á höfundarréttarvarið efni. Það er í sjálfu sér ágætt, þó svo að ég vilji setja samasemmmerki milli tilveru Youtube og aukinna kaupa á tónlistardiskum á mínu heimili. Því hendi ég inn lagi dagsins, kannski í síðasta skipti frá þessari ágætu síðu, hver veit?

Og svo annað, svona fyrir Kidda Sneril og aðra Counterparts-menn.

Hvað um það, ég er að spila á Dubliner í kvöld. Verði gaman, mætið sum.

Norður

2007-02-22T15:16:00.000Z

Fer heim í heiðardalinn um helgina, er að spila á Café Amour á laugardaxkveldið.

Kemurðu?

Brúðkaup, Þorrablót, kjaftæði, vesen og allskonar

2007-02-19T19:29:00.000Z

Nú er margt að frétta og helgin var skemmtileg.

Föstudagskvöldið fór í vídeógláp með Eldri-Svepp, en við horfðum á Flags of our Fathers og er hún alveg hreint ljómandi fín. Sá þó Svein Waage hvergistaðar í myndinni. Skoða hana betur seinna með pásutakkann í yfirvinnu.

Nú, á laugardaginn hélt ég til kirkju til þess að verða vitni að því þegar Gunnar nokkur Ólason, söngspíra og Júróvisjónfari, og hún Þóra, kerlingin hans, gengu í það heilaga. Var reyndar heldur seinn fyrir og var stoppaður af löggunni annaðhvort fyrir of hraðan akstur eða of litla flughæð. Komst þó í kirkju þegar klukkan sló brúðkaup, sveittur og másandi. Rétt sestur þegar Þóra kom inn gólfið og er óhætt að segja að sjaldan hefur annað eins sést í gervallri veröldinni og þó víðar væri leitað. Kristófer Jensson, betur þekktur sem Kristó í Lights on the Highway, söng af lífi og sál og var það tær unaður á að hlýða. Kerlingin hans Gassa (man ekki hvað hún heitir, en hún er ágætiskona og feykigóð söngspíra) söng svo með honum I got you babe í lokin og er þetta í eitt að fáum skiptum sem ég hef heyrt svona mikið klappað í kirkju. Presturinn, sem er furðulegt nokk kvenkyns, er í kolrangri vinnu. Hún ætti að vera uppistandsgrínari að atvinnu. Ég hef sumsé aldrei heyrt jafnmikið hlegið í kirkju, eða bara jafnmikið hlegið almennt. Sumsé, bara gaman.

Eníhjú, svo var veislan og var hún haldin á Þingvöllum. Talsvert hlegið þar líka og mikið gaman. Við hjónin urðum samt að yfirgefa samkvæmið snemma, sökum þess að Þorrablót móðurættar minnar var komið í fullt gang í bænum. Þar var ekki minna gaman og mikið spjallað, hlegið, sungið og drukkið. Hélt svo til bæjar ásamt rjómanum af frændfólkinu og endaði einhverra óskiljanlegra hluta vegna í einhverju Júróvisjónhommapartýi á Nasa. Var hundfúll að Heiða skyldi ekki vinna Júróforkeppnina og enn fúlli að Kristján Hreinsson ætti vinningstextann. Eftir skamma dvöl á Nösu höfðu þreyta og Bakkus dregið úr mér bæði mátt og almenna skynsemi. Því var kallað á taxa og haldið heim i hátt. Svaf svo í einhverja tólf tíma, spratt á lappir og eldaði kjúkling. Horfði á Dexter í gær, en það er einhver sjónvarpsþáttur frá Miami. Fjallar um löggu, sem er einnig fjöldamorðingi. Gaman að því og bráðskemmtilegur þáttur, temmilega sjúkur fyrir minn smekk. Ekki orð um það meir.

Köttur undir stýri, var fullur og ók út í mýri. Úti er ævintýri (þ.e. erlendis).

Ú, je!

2007-02-16T23:17:00.000Z

Í fréttum er þetta helzt;

Hitti Pétur Örn um daginn. Ég er ekki frá því að ég hafi séð farseðil til Finnlands gægjast upp úr jakkavasa hans. Gaman að því.

Ég á barnið með Önnu Nicole Smith.

Var að spila á Döbb í gær. Tók í fyrsta skiptið hérlendis nýju kántrý-eitís syrpuna mína. Hún samanstendur af Rhinestone Cowboy og Skin Deep með Stranglers. Vakti lukku, sem nuddaði augun og fór strax aftur að sofa.

Klámmyndaráðstefnan... hvað á að segja um það? Er ekki í lagi að menn haldi hér ráðstefnur um vinnuna sína? Löggan útilokar ekki eftirlit og blablabla. Ef menn vilja halda hér ráðstefnur mega þeir það og við eigum ekki að skipta okkur af því hvað þeir tala um á ráðstefnunum. Jú, kannski ef ráðstefnan er um barnamisnotkun, gereyðingavopnaframleiðslu, kommúnisma eða kynþáttahatur, en mín vegna mega klámhundar eyða peningunum sínum hér. Það ætti ögn að vega upp á móti því fé sem landsmenn eyða í erlent klám. Ef fólk er á móti klámi á það ekki að kaupa það, en leyfa öðrum að sitja með sokkinn á félaganum í friði, er það ekki?

Svo er eitt ansi hreint fyndið - þið hafið væntanlega öll heyrt eða lesið fréttina um félagana sem fóru í bæinn og hösluðu nokkrar stelpur með sér heim. Svo fór einn félaginn með gellu inn í herbergi til þess eins að komast að því - þegar leikar stóðu sem hæst - að hún var engin hún. Hún var hann. Maðurinn jú missti sig eilítið og gekk í skrokk á óberminu, sem hafði gabbað hann svo illilega. Klæðskiptingskrípið réttdræpa greip þá eitthvað barefli og sló hinn gabbaða í höfuðið og væntanlega bjargaði þar með lífi sínu. Sagðist svo ætla að kæra strákgreyið fyrir líkamsárás. Það er jú viðurstyggð, nógu illa með hann farið að láta hann uppgötva í miðju blódjobbi að ekki væri allt með felldu. Eðlilega missa menn sig eilítið við svoleiðis uppgötvanir og ættu að sjálfsögðu ekki að vera taldir sakhæfir sökum tímabundinnar geðveilu, sem rekja mætti til alvarlegs áfalls. Hann hefði mátt ganga að sódómska krossdressaraviðbjóðnum dauðum og dysja hann utangarðs mín vegna án þess að þurfa að eyða svo mikið sem sekúndu í fangelsi. Fara bara heim og skammast sín fyrir að vera svona vitlaus.

En hvað gerir svo sá sem gabbaður var? KEMUR FRAM Á FORSÍÐU SÉÐ OG FOKKING HEYRT!!!
Með mynd og alles. Bévítans plebbi er þetta.

Ég myndi aldrei segja nokkrum manni frá þessu ef ég væri í hans sporum - sem ég er blessunarlega ekki. Þó ég væri kærður fyrir líkamsárásina - ég myndi bara ljúga að ég hefði lamið lítið barn að ástæðulausu og því verið kærður. Það er skárra fyrir mannorðið.

Fólk er fífl, en samt oft ágætt.

Me and my brainhouse

2007-02-15T10:53:00.001Z

Hér eru 6 góðar ástæður fyrir að því að þú, lesandi góður, ættir að kjósa lagið "Ég og heilinn minn" sem framlag þjóðar vorrar til söngvakeppni evrópskra sjónvarpsstöðva.

6. Lagið er áberandi langskemmtilegasta lagið í keppninni.

5. Söngkonan, Heiða, er ljómandi skemmtileg á sviðinu og kemur vel fyrir.

4. Heiða, ásamt bakröddunum, er ljómandi skemmtileg manneskja og mér finnst hún, sem og bakraddirnar, alveg eiga skilið að fá utanlandsferð á kostnað greiðanda afnotagjalda.

3. Heiða, sem og kallinn hennar eru Vinstri-græn, þó svo þau séu frábær að öðru leyti. Þar sem keppnin fer fram sama dag og þingkosningarnar eru örlitlar líkur á að utankjörfundaratkvæði þeirra komist síður til skila, ellegar þau gleymi að kjósa í æsingnum. Lítil von, en von samt.

2. Dr. Gunni, höfundur lagsins, gæti komið skemmtilega fyrir á blaðamannafundum erlendis.

1. Kristján Hreinsson á ekki textann og fær því enga utanlandsferð. Mikið verður gaman að heyra vælið í honum ef hann kemst ekki út. Híhíhí. Hvern ætli hann ásaki þá, og um hvað?

Ekki orð um það meir og ÁFRAM ÍSLAND!

Stjörnur

2007-02-13T14:26:00.000Z

Sem betur fer hefur ekki farið hátt hvað sumir fjölmiðlar kusu að gjöra kunnugt, en hérlendis er staddur þessa stundina enn eitt selebbrittíið utan úr heimi. Sá er þekktur fyrir að reyna eftir megni að vernda einkalíf sitt, en óvandaðri fjölmiðlar voru ekki lengi að gjöra lýðnum ljóst að hér væri enn einn frægi kallinn kominn.

Reynum nú að endurheimta hvað við sem þjóð eitt sinn höfðum og hættum að gera að fréttum komu frægra útlendinga hingað er þeir koma í einkaerindum og afslöppun. Ekki birta myndir af þeim í blöðum, ekki boða þá í viðtöl, ekki bögga þá á götum úti (ég skal til dæmis ekki bögga Stranglers í næsta mánuði) og verum hress almennt. Bónó var ekki böggaður hér er hann kom fyrir tæpum áratug og Clapton renndi fyrir lax milljón sinnum áður en DV tók til við að birta myndir af honum við þá iðju. Mér vitanlega hefur hann ekki sést hér síðan.

Ef fræga pakkið kemur til að kynna nýjustu plötu sína ellegar bíómynd, bók eða fatalínu, þá skal að sjálfsögðu henda liðinu á forsíður allra blaða, setja þá á allar sjónvarpsstöðvar, útvarpsstöðvar og í opnuviðtal í Séð og skafið. Það er hið skásta mál.

En látum samt fræga pakkið sleikja sig upp við okkur. Við erum jú Íslendingar! Áfram við!

Portmaður

2007-02-13T10:47:00.000Z

Mér finnst þetta svolítið fyndið, þótt málið sé jú hálfóhugnarlegt að mestum hluta.

Ætli Daría viti af þessu?

Annars er ég að leika og syngja á Döbblíner í kvöld, mætið flest. Síðast komust fleiri að en vildu.

Anna, getraunaeitthvað, Danmerkurferð, röfl

2007-02-12T21:50:00.000Z

Jú, ég vil byrja á að óska Bjarna til hamingju með glæsilegan sigur í kvikmyndagetrauninni hinni síðustu. Spurt var um bíómyndina Boondock Saints, nánari lýsing í kommentakerfinu í síðustu færzlu.

Annað, ekki jafnskemmtilegt, er frétt um ótímabæran dauða Önnu Nicole Smith. Ég tel að hún hafi verið myrt af fyrrum stjúpbörnum sínum til að þau þyrftu ekki að sjá á eftir milljónunum sem hún átti jú skilið sem ekkja pabba þeirra. Ég held þeir hafi fyrst drepið son hennar þarna um daginn og svo mömmuna. Ekki fundið neinn ennþá sem er til í að drepa lítið, nýfætt barn. Þetta var samsæriskenning dagsins.

Eníhjú, við strákarnir í Swiss lögðum land undir flugvélarvæng um helgina og fórum til Sönneborg í Danmörku. Fengum okkur til halds og trausts Hlyn nokkurn Ben, mikinn snilling sem gerði garðinn frægan með Gleðisveit Ingólfs hér um árið og líka sem trúbadúr á börum bæjarins. Hreint ekki leiðinlegur drengur.
Við flugum satanískt snemma á föstudagsmorguninn til Köben, þaðan með lest í átta ár til Sönneborg. Ommiletta í flugvélinni (ommiletta í breiðasta skilningi þess orðs - réttara væri að segja gulur pappír með morknaðri skinku) og enginn matur í lestarferðinni - sem var vel á fimmta tíma. Enda fékk hinn dásamlegi veitingastaður Mongolian Barbeque heldur betur að kenna á því þegar við komum til Sönneborg.

Nú, svo fengum við Hlynur okkur ögn í glas um kvöldið ásamt Gauta og frú. Hinir eymingjarnir sofnuðu og misstu af góðu og skemmtilegu fylleríi.

Á laugardaginn ætlaði ég í búðir en þá sannaðist enn og aftur að Danir eru eymingjar sem nenna ekki að vinna. Fórum við félagarnir því bara á Jensens böfhus, ekki í síðasta skipti í ferðinni. Rækjukokkteill, steik, öl og sjokkoleðö múss, bananasplitt og stærsta kók í Evrópu, allt eftir smekk hvers og eins.

Svo byrjaði þorrablótið. Við Hlynur ætluðum að sjá um fjöldasönginn, en það breyttist í enhverskonar bland af standöppi, kjaftæði og sjálfshátíð. Vakti þó gríðarlega lukku og okkur til mikillar undrunar vorum við klappaðir upp með látum. Mission Impossible-atriðið vakti til dæmis óheyrilega mikla lukku viðstaddra sem og ræður okkar og ávörp.

Spiluðum svo ballið og Gauti lék með, enda er það skárra en að dansa. Einkar skemmtilegt í alla staði, þrátt fyrir að mónitorinn væri gamall Coxx bassamagnari, sem byrjaði með ýlfur löngu áður en byrjaði að heyrast í honum. Bassamagnarinn var hinsvegar gamall Samson hljómborðsmagnari. Ég lék svo gegnum forláta Fender lampamagnara, sem eflaust er sínu eldri en ég. Það var í lagi, þó ég hefði heldur viljað hafa Voxinn minn. Að ballinu loknu tók við kassagítarspil, öldrykkja, brennivínsdrykkja, söngur, dans uppi á borðum, vodkadrykkja, röfl við danskinn og hann skammaður fyrir að nenna ekki að vinna, langur göngutúr í frostinu, kleinuhringjaát, Cocio-drykkja (Cocio er kókómjólk þeirra Dana), meiri söngur og að lokum svefn.

Í flugvélinni heim voru hljómsveitirnar Swiss, Bermúda og Spútnik. Gaman að því. Má geta þess að Kiddi Gallagher hefur verið í öllum böndunum. Halli Reynis var líka, sem og Eyvindur Karls og fimleikafélag eitthvað. Ef vélin hefði farið í sjóinn hefði vart verið hægt að bóka trúbadúr né hljómsveit á árshátíð eða þorrablót, né heldur grínista. Íþróttaheimurinn hefði líka hlotið skell.

Kom heim í nótt og var ekkert hress á foreldrafundi í Foldaskóla klukkan átta í morgun.

Lifið heil Hitler.

Fimmtudaxeitthvað

2007-02-08T16:39:00.000Z

Enginn er að fatta hvaða mynd er spurt um og því sé ég mig tilneyddan til að koma með frekari vísbendingar.

Myndin kom út á myndbandi hérlendis árið 2001. Byrjunaratriði myndarinnar á sér stað í kaþólskri kirkju. Í myndinni gengur samkynhneygða sögupersónan til skrifta hjá presti.

Hver er fargings myndin?

Eníhjú, ég er að fara til Danmerkur á morgun ásamt fríðu föruneyti. Erum að spila hjá honum Gauta okkar í Sonneborg og erum búnir að ákveða að það verði gaman. Vonandi kemur Óskar einnig.

Svo langar mig að benda á að alþingiskosningarnar og Eurovision eru sama daginn. Er einhversstaðar partý?

Minnihlutahópar

2007-02-07T13:22:00.000Z

Bévítans væl er þetta alltaf í einhverjum minnihlutahópum. Femínasistar verða æfir af því að einhver drusla fer úr fötunum uppi á borði niðri í bæ í veikri von um utanlandsferð - má hún vera slött í friði? Svo segja femínistar að í þessu felist niðurlæging á öllum konum, en ég get ekki séð hvernig einhver grindhoruð gliðra getur með nokkru móti niðurlægt aðra en sjálfa sig með svona asnaskap. Ekki er Guðríður Elísabet Ottesen, fiskverkakona á Skagaströnd, nokkru minni manneskja þó svo einhverjar stelpuskjátur hér í Reykjavík druslist berrassaðar upp á borð fyrir einhvern sem kallar sig Súperman (sá reyndar virðist ekki stíga í vitið heldur, en ekki kalla ég það niðurlægingu á öllum körlum).

Hvað um það, svo eru samkynhneygðir úti í heimi brjálaðir út af einhverri Snickers-auglýsingu. Sjá nánar hér. Jú, stundum þarf lítið til þess að fullorðið fólk fari að grenja.

En það sem pirrar mig mest núna (fyrir utan að vera með hita og liggja því heima í eymingjaskap og vesæld) er sú staðreynd að enginn hefur svarað kvikmyndagetrauninni minni. Það er ólíðandi.

Því skal ég koma með eina vísbendingu til viðbótar:

Charles Bronson leikur ekki í myndinni. Hinsvegar er minnst á hann í rifrildi, sem á sér stað nokkrum sekúndum áður en tæpur tugur manna er skotinn til bana.

Meira getraunaeitthvað

2007-02-05T20:54:00.000Z

Ættum við að skjóta fram getraun?

Spurt er um kvikmynd.

Leikstjóri myndarinnar er tónlistarmaður og heitir myndin sama nafni og hljómsveit sem hann er í. Þetta er eina myndin sem hann hefur leikstýrt. Hann skrifaði sjálfur handritið, en hugmyndina fékk hann þegar hann bjó í Los Angeles. Þá var hann á gangi heim til sín og sá hvar verið var að bera lík konu út úr húsi. Hann fylltist viðbjóði, en þar sem hann hafði ekki efni á sálfræðiaðstoð ákvað hann að best væri að koma hugrenningum sínum á blað og breyta í bíó.

Í myndinni leika bæði klámmyndaleikkona og uppistandsgrínisti. Ein aðalsöguhetjan er samkynhneygð.

Myndin fékk sama og enga dreifingu í Bandaríkjunum á sínum tíma, en náði vinsældum annarsstaðar, var t.d. vinsæl í Japan. Einnig fékk hún afspyrnuslaka dóma.

Myndin var að mestu tekin í Toronto, þeirri eflaust dásamlegu borg.

Annar aðalleikari myndarinnar lék aðalhlutverkið í sjónvarpsmyndaflokki sem naut nokkurra vinsælda hérlendis fyrir rúmum áratug.

Veit einhver svarið?

Annars er ég í fíling og hyllir kannski undir lokin á skattaveseninu mínu. Kannski. Vonandi. Það gæti verið því að þakka að endurskoðandinn minn fann hjálpsaman og samvinnufúsan mann sem talar mannamál og viðhefur lágmarkskurteisi á skattstofunni. Ég hef ekki kynnst þeim kostum hjá mörgum starfsmönnum hjá téðri stofnun. Köppum fyrir Magnúsi Jóhannessyni!

Lag dagsins er Subdivisions með Rush.

Hvusslax?

2007-02-05T00:23:00.000Z

Nýtt met var slegið áðan þegar Jósi svaraði kvikindagetrauninni þremur fjórðu úr sekúndu eftir að hún var sett á netið. Tom Selleck var svarið og er hann í miklu uppáhaldi hjá mér. Vissuði að framleiðendur Friends urðu að hætta að nota alvöru áhorfendur við upptökur því það var svo mikið klappað alltaf þegar Selleck kom á svið? Gaman að því.

Ég verð þá að skjóta fram nýrri kvikmyndagetraun. Spurt er um leikara, jú eins og endranær.

Hann vann m.a. sem bílasali áður en hann fór að leika. Hann var líka í sérsveitum hersins í heimalandi sínu og kenndi þar hermönnum að drepa fólk með berum höndum. Stórhættulegur greinilega.

Hann hafði aðeins leikið í einni bíómynd þegar hann landaði aðalhlutverki í stórmynd, sem var sú næsttekjuhæsta í heiminum það ár. Í þeirri mynd var reyndar annar leikari sem talaði fyrir hann í nokkrum senum. Síðan þá hefur hann leikið í bíómyndum og sjónvarpsmyndum, sem og framhaldsmyndaflokkum, og það víða um heim, um Evrópu og Bandaríkjunum. Hann hefur leikið í slagsmálamyndum, spennumyndum, léttbláum myndum og bara allskonar myndum. Hann lék eitt sinn sjálfan sig í bíómynd - reyndar lék hann sjálfan sig að leika í stórslysamynd. Hann bjó og starfaði m.a. í Hong Kong og á Ítalíu.

Hann giftist og eignaðist tvo krakka, en konan hans dó úr krabba. Ekki var það nú gott. Hvað verður nú um börnin, hefur einhver spurt sig.

Hann giftist aftur og það frægri íþróttakerlingu, sem lauk keppni fyrir nokkrum. Hún starfar nú sem íþróttafréttaritari og er mikið í ýmiskonar góðgerðarstarfsemi, auk þess að gjóta út börnum þeirra hjóna, en hún hefur bætt þremur í safnið.

Jæja, hver er maðurinn?

Bíógetraun og almennt röfl

2007-02-04T23:37:00.000Z

Var að spila á Dub um helgina. Gaman að því. Hlynur Ben, austanmaður sem prýddi sjónvarpsskjái landsmanna í þáttunum um Geleðisveit Ingólfs hér um árið, lék með oss á föstudaginn. Ingi Valur leit einnig við og spilaði helling, sem og Danni tsjokkó. Svakastuð og mikil gleði. Svo gestaði Jonni Richter ögn á bassann meðan kveikt var á fössfetlinum.

Hvað um það, sé bíógetraun. Spurt er um leikara sem er kúl.

Hann hefur leikið hermann, lögreglustjóra, augnlækni, einkaspæjara, innbrotsþjóf, flugmann, homma og íþróttamann sem er drepinn og líffærum hans stolið.

Í einni af myndum sínum fékk hann ör í rassinn.

Hann hefur leikið á móti Charlton Heston og Michael Douglas.

Hann er félagi í NRA.

Þetta dugir - hver er karlinn?

Íslensku tónlistarverðlaunin

2007-02-01T16:34:00.001Z

Bévítans sjálfshátíð var þetta. Vantaði, eins og bent hefur verið á, textahöfund ársins. En umslag ársins, það fékk sín verðlaun. Finnst ykkur það í lagi?

Ég vil að veitt verði sérstök skammarverðlaun fyrir leirburðarstagl ársins, hvar lélegur textahöfundur verður hýddur á sviðinu. Eins vil ég sjá skammarverðlaun fyrir leiðindi ársins þar sem einhver djassrúnkandi leiðindasjálfhverfingur verður tekinn af lífi fyrir glæpi sína gegn hlustum og hljóðhimnum landsmanna. Svo má aftökusveitin gjarnan labba niður til skattstjóra og tæma úr hólkum sínum á starfsfólk hans.

Langar samt að óska Lay Low til hamingju, hún finnst mér skemmtileg. Líka honum Kidda, en Baggalútur fengu glerstyttu fyrir að láta aðra syngja og spila fyrir sig, eins og þeir sögðu.

Takk.

Getraun enn eina ferðina

2007-01-31T23:52:00.000Z

Nú, jæja. Til að byrja með má benda á að þar sem allir hlekkirnir eru óskiljanlegir hér til hliðar skulið þið bara skoða þá alla. Takk fyrir.

Eníhjú, leikaragetraun. Samt varla, sökum þess að umræddur leikari lék bara í tveimur myndum (auk smáhlutverks í sjónvarpsmynd) og fór svo að gera eitthvað allt annað. Hann var sumsé staddur á bar þegar honum var boðið hlutverk í bíómynd. Hann þáði það og vakti gríðarlega athygli um víða veröld og má segja að hann hafi slegið í gegn. Hann lék tveimur árum seinna þetta aukahlutverk í sjónvarpsmynd og svo voru honum boðnir litlir milljón dollarar fyrir að leika geimveru í bíó. Hann þáði það, lék geimveruna, hirti gróðann og síðan hefur hann ekki nennt að leika neitt, enda á hann nóg af peningum og fæst bara við ráðgjöf og hönnun.

Hann heitir Alfred og pabbi hans er frá Afríku.

Hver er maðurinn?

Bíó

2007-01-31T10:37:00.000Z

Var að huxa um að skella mér í bíó í sumar og sjá þessa, en mér sýnist sem svo hún sé allt of róleg. Gerist ekki rassgat í henni...

Kalifornía, part 2

2007-01-27T18:33:00.000Z

Nú, jæja, þegar NAMM-hljóðfærasýningunni lauk á sunnudaginn stukkum við Haukur upp í rútu, eða öllu heldur langferðabíl, og brunuðum ásamt fleirum til San Diego. Þar fórum við í partý, öllu heldur veislu, í boði Taylor gítara. Átum á oss gat og spjölluðum við allskonar fólk. Svo fór mánudagurinn í skoðunarferð um Taylor-verksmiðjuna, hvar stofnendurnir sögðu okkur sitthvað um sögu kompanísins og sýndu okkur nýjustu græjur. Kom mér skemmtilega á óvart hvað Bob Taylor, einn stofnendanna og prímusmótor Taylor, er sniðugur kall. Til dæmis þróuðu þeir lofthreinsibúnað til að koma í veg fyrir að lakkið, sem gítararnir eru sprautaðir með, berist út í andrúmsloftið. Núna eru fleiri fyrirtæki farin að nota sama búnað, til dæmis Toyota og fleiri stórfyrirtæki. Svo er hann Bob bara einkar lítillátur og indæll kall, svona að mér sýnist - fyrir utan hvað hann smíðar viðurstyggilega góða gítara. Byrjaði við þriðja mann í einhverjum bílskúr, smíðaði sárafáa gítara á ári, skítblankur. Núna er þetta stórfyrirtæki, en hann er sjálfur með eitt herbergi í húsinu hvar hann og vinir hans smíða fáeina gítara á viku undir nafninu R. Taylor - þeir kosta meira. Gaman að því.
Áður en við Haukur fórum aftur til L.A. fengum við brasilískan skiptinema á reiðhjóli með aftursæti til að skutla okkur eilítið um borgina og sáum t.d. tvíburaturna, sem ég er handviss um að eru turnarnir sem Tom Cruise, öðru nafni Messías, stökk á milli í Mission Impossible þrjú - en mér fannst hún nú síst þeirra þriggja.
Svo fengum við bíl með sjóför til að skutla okkur upp til L.A., hvar við fórum snemma í hátt. Lögðum svo af stað eldsnemma á miðvikudaxmorgun frá L.A. til Phoenix, þaðan til Boston og svo ósofnir, illa lyktandi og eldhressir til Klakans.

Frasar ferðarinnar;

"Ha? Tólf tegundir?"

"Engan hef ég nú heyrt segja það!"

"Leiðinlegur, maður!"

"Hvar er Bob Dylan?"

Vonbrigði ferðarinnar;

Missa af Eddie Van Halen. Hann var að kynna einhvern signature gítar frá Charvel, sem er ÞRIÐJA fyrirtækið sem framleiðir fyrir hann sérstaklega, örugglega sístur þeirra þriggja. Mætti klæddur, lyktandi og bullandi eins og róni og varð sér víst allverulega til skammar. Kveikti sér svo bara í sígó á sviðinu, en eins og allir vita eru reykingar vægast sagt illa séðar í opinberum byggingum á stór Los Angeles-svæðinnu. Svona sem dæmi um hversu mjög hann er búinn að missa það er Van Halen búinn að bóka túr með engan söngvara enn og sextán vetra gamlan son sinn sem bassaleikara. Sammy og Michel Anthony úr Van Halen eru hinsvegar í fínum fíling bara að spila saman á klúbbum um USA og finnst gaman.

Svo var líka fúlt að komast ekki í sleik við John Taylor. Það hefði verið stuð.

Ekki orð um það meir!

Kalifornía, partur 1

2007-01-25T20:39:00.000Z

Best að skipta ferðasögunni í tvo kafla, hún er eflaust löng.

Eníhjú, við Haukur frændi lögðum af stað til fyrirheitna landsins sl. þriðjudag klukkan rétt rúmlega hádegi. Gunnar, verðandi biskup landsins, skutlaði oss á völlinn, hvar ég keypti íslenskt brennivín, og svo fórum við upp í flugvél. Flugum til Boston með Icelandair, en þar var stoppað. Eftir það sem virtist vera endalaus bið vegna bilunar (flapsa VANTAÐI á vélina sem átti að fljúga með okkur og því sátum við hálftímunum saman á vellinum) var flogið með gamalli Lufthansa-hakkavél í eigu Air Satan til Las Vegas. Þar áttum við pantað flug með vél sem var löngu farin, sökum þeirra tafa sem verið höfðu. Því var okkur komið fyrir á hóteli og græddum við því tvo bíltúra gegnum Las Vegas. Sáum öll helstu spilavítin og Las Vegas Strip og ég fjárfesti í CSI-bolum á flugvellinum fyrir allt of mikið af peningum. Nú, svo var flogið með einhverri DC-3 prótótýpu til Los Angeles. Þangað mættum við alltof seint, ósofnir, grautfúlir og samt í stuði.
Nú, við tékkuðum okkur inn á hótelið og kíktum upp í ráðstefnuhöll hvar NAMM-sýningin var að fara í gang. Þá sá ég Sammy Hagar á labbinu. Sýningarsvæðið sjálft var á stærð við hálfa tylft amerískra fótboltavalla og gestir og sýningaraðilar voru eitthvað um áttatíu þúsund, ef marka má einhvern aldurhniginn starfsmann á svæðinu. Svolítið yfirþyrmandi, en bara gaman.
Nú, svo tóku við almenn skyldustörf, fundir og fikt. Skoðaðar nýjustu græjur frá hinum ýmsu vörumerkjum, bæði þeim sem við flytjum inn og svo einnig græjur frá þeim sem samkeppnisaðilar vorir hérlendis flytja inn. Nokkrir hlutir, utan þeirra sem minnst er á í fyrri færzlu, eru vel þess virði að minnast á. Hér eru nokkrir;

Boss Fender Deluxe Reverb amp fetill. Roland og Fender hafa í sameiningu búið til fetil sem hermir eftir þessum magnara, sem frægur er fyrir frábært reverb. Hljómar alveg hreint býsna vel. Heyrði líka, þó ekki jafn mikið eða vel, í Bassman-fetlinum frá Boss. Virkar alveg á mig. Líklegt að allavega annar þessara fetla endi í töskunni minni þegar þetta kemur á almennan markað ívor.

Sá, skoðaði og fiktaði í fullt af Washburn-gíturum. Þessi, þrátt fyrir að vera gamall og með Floyd Rose, fer í safnið mitt á árinu. Besti gítar í heimi að spila á. Reyndar var fullt á þssum bás sem heillaði mig, eins og Parker-gítararnir, sem nú eru bæði kassa og rafmagns, sem og er hann Parker kominn með línu af bössum. Gaman að því. Svo var Joe Satriani að kynna nýjan Peavey-magnara, pínkulítinn lampakút. John Taylor kom svo daginn eftir að kynna nýja bassann sinn, sem hann hannaði sjálfur. Hann er kominn með rafgítar í stíl líka, en ég náði hvorugan að prófa. Náði hinsvegar að taka í spaðann á kallinum og hann bað að heilsa þér. Þó var mesta stuðið á Peavey-básnum þegar feðgarnir úr American Chopper komu á svæðið og settu nýja Peavey-mótorhjólið í gang. Það var mesti hávaðinn á svæðinu, svona alveg spauglaust.

Á Ernie Ball-básnum var fjör og strafsmenn kompanísins klæddir sem rokkstjörnur frá ýmsum tímum. Þar mátti sjá glimmer-rokkara í seventís-stíl, Madonnu, metalmenn og bítil svona meðal annars. Þar mátti líka sjá nýju Family reserve-línuna frá þeim, örugglega geðveikislega dýrt ef verð er eitthvað í samræmi við gæði. Nýjir wah-wah-fetlar gripu einnig athyglina, feykifallegir. Prófaði þá reyndar ekkert, enda af nógu að taka á svæðinu. Steve Morse, Steve Lukather, Albert Lee og hvaðhannafturheitir úr Mr. Big héngu líka þarna daginn út og inn, gefandi eiginhandaráritanir og spjallandi við gesti og gangandi.

Korg voru einnig með ný upptökutæki og synta sem heilluðu mjög, Matchless-magnararnir þóttu mér sexý, Zemaitis-gítararnir voru flestum öðrum fegurri (enda kosta þeir tvær og hálfa fokkings milljón!), TC-effektarnir hljómuðu ákaflega fallega og reyndar var svo margt þarna sem mig langaði að eignast að ég held að Donald Trump hefði ekki efni á því öllu.

Svo var jú svolítið skemmtilegt að sjá og heyra Stevie Wonder leika og syngja á Yamaha-básnum. Hann sat bara einn við píanóið og var í fíling. Ég veifaði í hann, en hann sá mig ekki. Ekki var neitt sérlega leiðinlegt heldur þegar Marco Mendoza, sem hefur leikið með smápoppurum eins og Ted Nugent, Thin Lizzy, Whitesnake og fleirum, steig á stokk ásamt félögum í M-Audio partýi. Þéttara band hef ég bara hreinlega ekki heyrt, punktur - og var ég þó í Smack! Svo drap það mann heldur ekki úr leiðindum að fara út að éta með nokkrum starfsmönnum Hljóðfærahússins, þrátt fyrir að maturinn á svæðinu væri óætur með öllu. Staðurinn hét Alcatraz - myndi maður éta á veitingahúsi sem héti Litla-Hraun?

Læt þetta duga í bili, meira seinna.

Kominn heim í heiðardalinn

2007-01-25T09:21:00.000Z

Var að skríða heim frá Ameríkunni, eftir að hafa eytt nokkrum dögum í L.A. og svo nokkrum í San Diego, sem þýðir einmitt hvalsköp. Skoðaði nýjustu græjur og skrifa nánari skýrslu í kvöld. Nú er ég farinn að sofa, enda ekki búinn að gera mikið af því síðustu vikuna.

Hér eru samt linkar á græjur sem eru verulega sexí. Vox-magnarinn til dæmis olli hreinlega standpínu á við það sem best gerðist í gagnfræðaskóla. Svo var annar Vox, ekki mikið síðri. Hann má skoða hér.

Meira síðar, góða nótt.

Bjarni rúlar!

2007-01-16T00:53:00.000Z

Ég taldi mig hafa sett upp öflugustu getraun mína frá upphafi, en Bjarni Randver saug hana í aðra nösina og fór létt með.

Sá sem spurt var um er Richard Burton, réttu nafni Richard Walter Jenkins Jr. Hann ólst upp á fátæku heimili í Pontrhydyfen-þorpinu í Wales, hvar welska var töluð.

Hann fékk aldrei Óskar, en 1970 var hann tilnefndur. John Wayne fékk styttuna, en rétti Burton hana með þeim orðum að hann ætti hana frekar skilda.

Eftir að sonur hans lýsti löngun sinni til að sjá pabba gamla leika byssuhetju var sjálfur Alistair MacLean fenginn til að skrifa Arnarborgina, Where Eagles dare, sérstaklega til þess að Burton gæti leikið Schaefer. Hann skrifaði bíóhandritið og bókina samtímis, en þetta var hans fyrsta kvikmyndahandrit, en þó langt frá því það síðasta. Titillinn var fenginn úr Ríkharði þriðja: "The world is grown so bad, that wrens make prey where eagles dare not perch". Grínið var að sjálfsögðu Richard III - Richard Burton. Skiljiði?

Ungi sölumaðurinn sem hann hitti í flugvél á leiðinni til Kaliforníu - Kevin Kostner.

En að öðru - ein af mínum uppáhaldsbíómyndum er Sunset Boulevard. Í dag eru einmitt 56 ár síðan hún fékk Golden Globe-verðlaunin, þau fyrstu sem veitt voru.
Við þá götu verð ég vonandi eftir tæpa tvo sólarhringa. Ætli húsið í myndinni standi enn - og ætli William Holden sé ennþá feis dán í sundlauginni?

Enn ein leikaragetraunin, demitt!

2007-01-15T16:49:00.000Z

Nú skal spurt um ógisslega flottan leikara, sem drap sig á ólifnaði. Reykti allt að fimm pakka á dag og drakk eins og svampur - þó ekki Sveinsson.

Bræður hans og systur voru eitthvað á annan tug. Fjölskyldan, sem talaði annað tungumál en ensku, var skítblönk. Það bjargaði okkar manni svolítið að kennarinn hans ættleiddi hann.

Hann fékk aldrei Óskarsverðlaun, þó svo að við eina Óskarsverðlaunaafhendinguna rétti sigurvegarinn honum styttuna með þeim orðum að honum þætti okkar maður eiga að fá hana.

Hann var einn hæst launaði kvikmyndaleikari heims um tíma. Svo vinsæll var hann að geysivinæll rithöfundur skrifaði kvikmyndahandrit og bók samtímis, bara til að hægt væri að kvikmynda hana með okkar manni. Sonur okkar manns hafði nebblega beðið pabba sinn að leika hetju í byssubardagamynd. Bíómyndin og bókin eru bæði löngu orðin sígild. Nafn bókarinnar og myndarinnar eru fengin úr Shakespeare-leikriti.

Eitt sinn sat hann í flugvél á leið til Kaliforníu (sem ég er einmitt að fara til á morgun). Við hlið hans sat ungur bandarískur sölumaður, sem hafði áhuga á að hasla sér völl í Hollywood. Okkar maður gaf honum góð ráð og hvatti hann til dáða, sem varð til þess að ungi sölumaðurinn hætti í vinnunni og á núna tvær Óskarsstyttur til að prýða heimili sitt. Hvoruga þó fyrir leik.

Um hvern er spurt? Svariði nú.

Annars er ég jú að fara til Ameríku í morges. Jú, Kalifornía, hír æ komm, að skoða nýjustu græjur.

Tónabandið rúlar!

2007-01-14T18:59:00.000Z

Við strákarnir í Tónabúðinni lékum í gær á skemmtilegum tónleikum hjá Samhjálp. Valdi, félagi minn hjá Samhjálp, gabbaði okkur til að leika á styrktartónleikum fyrir foreldra tveggja ára stráks, sem er erlendis í krabbameinsmeðferð - mönnum er jú ekki siðferðilega stætt á að segja nei við slíkri beiðni, auk þess sem við bjuggumst fastlega við að þetta yrði bara gaman, sem og það var.

Þarna kom fram slatti af góðum tónlistarmönnum úr Jesúgeiranum t.d. Edgar Smári og Erdna Varðardóttir, hvort tveggja eðalsöngfuglar. Verð þó að segja að hún Regína Ósk stóð upp úr, enda ekki hægt að keppa við svoleiðis. Hún er bara einfaldlega best í gervallri veröldinni og þó víðar væri leitað. Enda var ég feginn að lagið sem ég söng (Little Wing) var á dagskránni á undan hennar atriði.

Svo fór ég niður á Dubliner og lék þar ásamt strákunum mínum í Swiss. Er óhætt að segja að það var ekki jafngaman né jafngefandi, en það er engan veginn hljómsveitarfélögum mínum að kenna, þeir eru æði. Sumir gestanna voru það hinsvegar ekki. Sumt fólk á bara einfaldlega ekki að fá að drekka áfengi - eða ganga laust.

Annars var ég að hugsa um að gera stuttmynd. Han Elmar, félagi minn, er mikill Yatzy-spilari og er á leið á stórmót erlendis að keppa í þessari skemmtilegu íþrótt. Mun myndin fjalla um þáttöku Elmars á Yatzy-mótinu.

Titillinn - jú, Elmar í Yatzy.

Mangi kallinn...

2007-01-11T17:18:00.000Z

rótsaltaði getarunina í tilraun númer eitt. Britt Ekland var það, sú sem gift var Peter Sellers hér í eina tíð. Þau eru, eftir því sem ég best veit, einu hjónin sem leikið hafa í Bond-myndum, hún var í Man with the golden Gun og hann í Casino Royale ´67.

Svarið í næstu getraun er Jude Law. Hvernig hljóma vísbendingarnar?

Muna svo að mæta á Döbblíner í kvöld, það er ekki eins og þið hafið eitthvað annað að gera.

Leikkonugetraun

2007-01-11T15:53:00.000Z

Nú er mál að standa fyrir leikkonugetraun, svona fyrir stelpurnar.

Spurt er um leikkonu, sem er altalandi á ensku, þýsku og frönsku - auk hennar eigin móðurmáls, sem er annað.

Hún giftist hér í denn rosalega frægum leikara og átti með honum dóttur, sem er í dag einskisnýt dópistadrusla og glæpamaður.

Eftir að hún skildi við leikarann tók hún saman við einn vinsælasta tónlistarmann heims (á þeim tíma).

Hún hefur leikið á móti Christopher Lee oftar en einu sinni.

Hún þótti ógeðslega djúsí belja hér í eina tíð. Nú er hún bara gömul og krumpuð.

Hver er kerlingin?

Tóní

2007-01-11T14:52:00.000Z

Svar við síðustu djetraun er Anthony LaPaglia. Bobby DeNiro lamdi hann í Analize that og hann fílaði það vel. Svo lék hann eitt sinn í mynd með Mimi Rogers, en hún er einmitt fyrsta eiginkona Thomas Cruise Mapother III.

Er á Döbb í kvöld. Spurning dagsins er eftirfarandi - af hverju ætlar þú ekki að mæta?

Meira síðar.

Getraunin stendur enn...

2007-01-11T12:23:00.000Z

Enginn með rétt enn í getrauninni. Því er nauðsynlegt að koma með frekari vísbendingar.

Hann er yfirleitt talinn ítalskur, þar sem hann ber ítalskt ættarnafn. Hann er þó fæddur og uppalinn í Ástralíu, en af ítölsku og hollensku bergi brotinn.

Enn ein getraunin

2007-01-09T21:59:00.000Z

Nú eru leikaragetraunir bæði hjá Eyva og Kidda Snerli. Gaman að því.

Þar sem Bjarni Randver tók síðustu í nebbann kemur hér ný:

Spurt er um leikara einn ágætan.

Hann var laminn af Robert De Niro í bíómynd.

Hann lék mafíumorðingja í "sannsögulegri" sjónvarpsmynd. Myndin bar nafn morðingjans og okkar maður lék titilhlutverkið.

Hann lék í mynd sem byggð var á sögu eftir John Grisham.

Hann hefur leikið í myndum með Val Kilmer, Woody Allen, Samuel L. Jackson og fyrrum eiginkonu Tom Cruise.

Svar óskast.

Ég spyr eins og fávís kona...

2007-01-07T14:17:00.000Z

Ertu ekki hress?

Bíógetraun og bleble

2007-01-05T18:16:00.000Z

Komiði sæl. Mikið varð ég nú glaður að sjá þetta. Það minnkaði móralinn vegna síðasta fyllerís. By the way, ef einhver rekst á sjálfsvirðingu mína, góðfúslega komið henni til skila. Sást síðast á Hótel Íslandi 30.12.06.

Annars er kominn tími á bíógetraun og spurt er um leikara.

Hann hefur leikið skæðan óvin frægrar persónu úr bíóheiminum, sem og óvin frægrar teiknimyndasögupersónu í sjónvarpsþáttum. Svo átti hann að leika sjálfur eina teiknimyndapersónu í sjónvarpsþáttum, en var látinn fara á síðustu stundu.

Hann er ákaflega trúaður maður, kristinn, og er það honum mikið hjartans mál.

Hann hefur vakið athygli fyrir útlit sitt, sem er allsérstakt.

Hann hefur leikið á móti Clint Eastwood.

Hann hóf ferilinn í sjónvarpi upp úr 1960, en hefur lítið leikið síðustu ár vegna veikinda.

Hver er kallinn?

Þessi var nú skítlétt...

Vil benda á að skyldumæting er á Dubliner í kvöld, sem og annað kvöld, hvar við í Swiss munum rokka úr okkur miltað. Góðir gestir væntanlegir og velkomnir í hvívetna.

Skoðið svo niðurlag þessarar bloggfærzlu hjá einhverjum manni, mér ókunnugum. Síðasta málsgreinin er fyndin.

Áramótaheit

2007-01-03T14:14:00.000Z

Nú sé komið að áramótaheitunum mínum. Hendi þeim hérna inn til að lesendur geti tekið til óspilltra málanna við að núa mér því um nasir ef (þegar) þau klikka.

Í alls engri sérstakri röð eru áramótaheitin þessi:

Drekka minna, reykja minna, éta minna og þá hollari mat, hreyfa mig meira, þ.e.a.s. eitthvað, æfa mig meira á gítarinn og reyna að drullast til að taka eitthvað af lögunum mínum upp svo fólk geti heyrt hvað ég er fokkings æðislegur.

Drekka minna-parturinn er þegar kominn í gang eftir að ég varð mér til skammar á síðasta fylleríi. Og því þarsíðasta. Tók alveg Stranglers á því. Hef ekki drukkið áfengi á þessu ári (fyndið að segja frá þessu eins og megaafreki á þriðja degi ársins 007), ekki reykt og meira að segja étið salat - og það sem meira er, fannst það bara svolítið gott. Ameríkan stæl-salat með beikoni og kjúklingi reyndar, en salat samt.

Svo er pælingin að jafnvel, ef maður sé í stuði, kaupa strigaskó og fara út að hlaupa. Koma blóðinu á hreyfingu og hressast. Í megnustu bjartsýnisköstunum, þegar maður missir algerlega sjónar á raunveruleikanum, sér maður fyrir sér einhvers konar líkamsrækt. Best er þó að reyna að halda löppunum á jörðinni og missa sig ekki.

Ef vel gengur verður kannski útúrhress Ingvar sem byrjar árið 008. Hver veit?

Skoðið svo þetta til að komast í gott skap.

Skaupið...

2007-01-01T20:42:00.000Z

var fargings æðislegt.

Öfgahægriskaupið er líka fínt.

Völvuspá Sveins!!!

2006-12-31T16:44:00.000Z

Sökum ekki einnar einustu áskorunar birtist hér VÖLVUSPÁ!!!

Árið 2007 mun þjóðin fagna, og það strax í ársbyrjun, aftöku Saddams Hússeins með flugeldsýningum, brennum og partýum í hverjum kofa. Mun gleðin standa fram á morgun.

Ingvar Valgeirsson mun verða ráðinn sem fimmti meðlimur Nælon til að peppa upp á kynþokka sveitarinnar.

Í ljós kemur strax á Þorranum að skalli Steingríms Joð er ekki ekta og munu Vinstri Grænir missa talsverðar vinsældir (eða eins og Sigmundir Ernir kallar það "gjalda afhroð") í kjölfarið.

Þátturinn Rockstar:Doors mun njóta gríðarlegra vinsælda hérlendir sem úti vegna þáttöku tveggja landa vorra; Geirs Ólafs og Friðriks Þórs Friðrikssonar. Völvan sér ekki fyrir hver úrslitin verða vegna þeirra óvissuþátta sem íslenskt sím-og netkerfi valda.

Miklar breytingar verða í íslenskri pólítík á vormánuðum. Völvan sér fyrir þingmannaskipti og breytingar í ríkisstjórn í sirka maí. Ekki er vitað hvers vegna, en þetta er alveg satt, sanniði bara til!

Íþróttamaður ársins lætur lífið er hann verður undir verðlaunabikarnum.

Sökum hræðslu við reiði múslimasamfélagsins verður áfengi og svínakjöt bannað og jól og páskar lögð niður. Ramadan verður tekin upp, skömmu áður en við ráðumst inn í Færeyjar.

Sylvía Nótt verður kjörin formaður Samfylkingarinnar með yfirburðum. Kristján Hreinsson gersamlega klikkast.

Hætti ég þá þessu bévítans bulli og segi bara

GLEÐILEGT ÁR

og takk fyrir rifrildin á árinu sem er að líða.

Saddam

2006-12-30T15:08:00.000Z

Á þessu myndbandi sést hvar Saddam Hússein (eigandi byggingafyrirtækisins Saddam Húseiningar í Kópavogi) er leiddur í gálgann. Þeir klippa hinsvegar af bláendann þegar annað tveggja gerist:

1. Karlanginn er hengdur fyrir að drepa tugi þúsunda saklausra borgara

2. Ashton Kutcher stekkur fram og gargar "You´ve been punk´d!!!"

Ykkar er valið, lesendur góðir.

Hvusslaxx

2006-12-29T21:41:00.000Z

Margt á seyði milli jóla og nýárs. Tími sem allajafna er steindauður.

Fyrst finnst mér alveg hreint ógeðslega fyndið, en jafnframt sorglegt, að fjöldi fólks hafi orðið alveg dýrvitlaust af því þeu fengu sms-jólakveðju frá Dómínós á aðfangadagskvöld. Vodafone meira að segja búið að biðjast afsökunar opinberlega vegna tímasetningarinnar og alles. Persónulega sé ég ekkert athugavert við að fyrirtæki sendi kúnnunum jólakveðju.
Svo er jú fjöldi Hafnfirðinga alveg trítilóður vegna þess að Alcan vogaði sér að gefa þeim veglegan jólapakka sem innihélt nýja Bó-diskinn. Ég er nú svo vel upp alinn að ég hefði líklega þakkað fyrir mig, ekki hlaupið upp til handa og fóta og rifið kjaft. Menn tala mikið um að þarna sé verið að kaupa atkvæði, þetta fyrirtæki eigi skítnægan pening og því hægur leikur að ausa fé hægri-vinstri til að kaupa velvilja almennings. Mér sýnist heldur ekki vera vanþörf á, þar sem mér sýnist þorri fjölmiðlamanna vera á móti álverum. Sú auglýsing sem andstæðingar álvera fá í formi fréttaflutnings hlutdrægra fréttamanna er múltímilljarða virði og geta diskar með Bó og frímiðar á Haukaleiki ekki keppt við þessháttar. Og hananú.

Eníhjú, Eldri-Sveppur átti ammælífyrradag. Hann er orðinn fimmtán vetra gamall vandræðaunglingur og alveg gersamlega frábær.

Svo sá ég í fréttum að Guðlaugur Þór hafði brennst illa á baki. Leiðinlegt að hægrimenn brenni, en ég hugga mig við þá staðreynd að vinstrimennirnir brenna seinna.

Svo minni ég á Völvuspá síðunnar sem birtist seinna í dag, á morgun eða hinn, fer eftir sambandi völvunnar. Hún hefur sagt mér frá ótrúlegustu hlutum varðandi eitt og annað. Bíðið spennt. Völva þessi hefur margsannað sig, sagði til dæmis fyrir um dauða Gerald Ford, fall kommúnismans, myntbreytinguna ´80 og útgáfutónleika Lay Low.

Lag dagsins er í tilefni áróðurseinvígis Alcan og Sólar í straumi (lesist: bévítans kommúnistapakk sem ætti að drulla sér aftur heim til Kremlar).

Lagið er Duel með Propaganda. Yfirpródúserað af Trevor Horn.

Jólin

2006-12-26T17:08:00.000Z

Er í gríðarlegu jólaskapi að horfa á rírönn af jólatónleikum Fíladelfíukirkjunnar. Ákaflega gott tónlistarfólk þar á bæ. Sérstaklega gaman, að öðrum fullkomlega ólöstuðum, að sjá hana Söru litlu (linkur hér til hliðar) syngja af grimmilegri tilfinningu. Þess má til gamans geta að sonur minn, Alexander, gubbaði á hana þegar hann var pínulítill. Hreint dásamleg minning sem oft yljar mér um hjartaræturnar.

Annars eru margir þarna úti sem ekki hafa haft tækifæri til að knúsa mig og kyssa gleðileg jól. Örvæntið ekki - ég er að leika og syngja á "morgunvaktinni" á Dubliner í kvöld, milli kl. hálfellefu og eitt. Kjörið tækifæri fyrir fólk að byrja að ná af sér jólaspikinu með því að labba á pöbbinn og vera í jólafíling. Hvet þó menn til að halda sönsum og sýna stillingu á hátíð ljóss og friðar. Stranglega bannað að berja hvern annan og vera með almenn leiðindi.

Nú, ég verð að monta mig, því ég fékk svo margt fallegt í jólagjöf. Bindi, sokka, náttslopp (kerla mín orðin leið á því að ég steli alltaf bleika sloppnum hennar), bækur og myndir um heimsstyrjöldina síðari frá bróðursonum mínum (pakkanum fylgdi reyndar eitt fallegasta kort sem ég hef fengið um ævina, hjemmelavet með teiknaðri mynd af mér) og svo fékk ég frá familíunni pakka úr stáli með stóru "S"-i framaná. Það eru sumsé allar Súpermann-myndirnar í bauk. Myndirnar eru fimm, en tvær útgáfur af tveimur þeirra. Súpermann eitt er í ögn lengri versjón og Súpermann tvö er í nýrri útgáfu, klipptri af Richard Donner. Doner þessi leikstýrði fyrstu myndinni og átti að gera númer tvö einnig. Hann var hinsvegar rekinn áður en myndin var öll tekin upp og var henni breytt í gamanmynd. Svo fyrir skemmstu fékk Donner að klára hana eins og hann vildi hafa hana, svona eftir því sem hægt var. Hlakka mikið til að sjá hana.
Má geta þess að Donner þessi er kannski frægastur fyrir Lethal Weapon-myndirnar, sem og Omen hina eldri. Gerði síðast 16 Blocks.

Hvað um það, sjáumst á Döbb í kvöld - eða ekki.

Jóla

2006-12-23T17:25:00.000Z

Í gær komst ég offissjallí í jólaskap. Var svo stálheppinn að rekast á - og kaupa - fjórar gamlar Bond-bækur í íslenskri þýðingu, Þrumufleyg, Náttfara (besta bókin - versta myndin), Í þjónustu hennar hátignar og Þú lifir aðeins tvisvar. Með kápum og allt, voða vel farnar og svakastuð.

Í dag sá ég svo í Mogganum fréttir þess efnis að Rush eru búnir að taka upp plötu og gefa hana út á næsta ári. Á sömu síðu, aðeins neðar var sagt frá því að Duran Duran vinni nú að nýrri plötu einnig. Semsagt, lífið leikur við mig og ég er hress með það.

Ef einhvern langar óstjórnlega að gefa mér jólagjöf langar mig í:

Sjálfvirka Colt 45, Steinberger-gítarinn sem stolið var af mér ´98, Vox Ac15 magnara ellegar gott konfekt og gott rauðvín.

Skrifa ei meir fyrir jól sökum anna og vil því biðja þann Guð sem þið trúið á, hafið þið á annað borð valið að trúa á einhvern, gefa ykkur

GLEÐILEG JÓL!!!

Hva...

2006-12-22T19:14:00.000Z

Getur einhver sagt mér hvurn andsk... þetta á að þýða? Er bókum bara kippt af almennum markaði ef einhver bévítans gagnrýnandi er ósáttur við hana, eða er þetta eitthvað súrt grín?

Eitt gamalt uppáhaldslag.

Líður að jólum

2006-12-22T10:10:00.000Z

Hey - jólin eru að koma! Vei!

Af því tilefni vil ég kynna jólamatseðil Nings:

Satai-rjúpa með bambus og rauðkáli

Hangikjöt í súrsætri sósu með nan-laufabrauði

Wok-núðlur með uppstúf og grænum baunum

Skötu-sushi með soðnum eplum

Hamborgarhryggur í drekasósu með hýðishrísgrjónum og beibímaís

Hvað um það, hér má sjá viðtal við stúlku sem segir farir sínar ekki sléttar eftir samskipti hennar og Byrgis-Guðmundar. Lítið á.

Hér má svo sjá hvað mig langar að fá í jólagjöf.

Meira seinna.

Kallíhei!

2006-12-21T10:25:00.000Z

Stuð. Allt að springa úr kommentum við síðustu færzlu, sem þó var bara linkur. Gaman að því, nema hvað þeir sem leggja mér orð í munn mættu gjarnan skrifa undir rangfæzlur sínar, takk.

Eníhjú, horfði á Scoop í gær, en hún er nýjasta mynd Woody Allen. Sultuskemmtileg og hressandi. Byrjunin sérlega góð. Fæst í 2001 hjá honum Sigga litla, tryggið ykkur eintak.

Nú er maður á kafi í vinnu, er til kl. 10 í kvöld í búð Tóna og get því ekkert fylgst með fréttum frekar en síðustu daga. Sé bara mbl.is og ekkert sjónvarp. Því bið ég fólk, hafi það síðustu fréttir af Byrgismálinu (eða öðru sem það telur að ég telji áhugavert) að henda link hér í kommentakerfið.

Munið svo að Jesú sér ykkur.

Meira um Byrgis-Guðmund

2006-12-19T11:05:00.000Z

Rakst á þetta og datt í hug að skella á það hlekk.

Perri eða fórnarlamb?

2006-12-18T23:49:00.000Z

Sláandi fréttir af Guðmundi í Byrginu, þ.e.a.s. ef fréttir skal kalla. Veit ei hvort rétt er eður ei, en má benda á nokkur atriði:

1. Það er lítið mála að senda dónalega tölvupósta í annars manns nafni ef maður kemst í annars manns tölvu. Eins lítið mál að senda dónó sms ef maður kemst í annars manns síma. Ekki laust við að maður hafi gert slíkt sjálfur einu sinni eða tvisvar hér í den.

2. Sú sem sér um fréttina (ásamt öðrum reyndar) er Lára Ómarsdóttir, dóttir Ómars Þorfinns Ragnarssonar. Sú, líkt og faðir hennar, er ekki hlutlaus í fréttaflutningi eins og talað er um hér.

3. Góður maður sagði eitt sinn að skoðanir væru aldrei merkilegri en þeir sem skrifuðu undir þær. Mætti kannski líka segja þetta um fréttir. Ég hef engan séð ásaka forstöðumann Byrgisins um pervertisma nema í skjóli nafnleyndar.

Datt í hug að henda þessu inn að gamni. Hef reyndar ekki séð allar fréttirnar af málinu - kannski er kallinn urrandi perri, kannski fórnarlamb rógburðar og tölvufalsana af svívirðilegu gerðinni. Hve veit? Ekki ég. Hef þó heyrt fleiri góða hluti en slæma um karlinn.

Hvað um það, nú er klukkan orðin miðnætti, kominn tími til að fara að sofa og síðast en ekki síst - kominn nítjándi desember og Fúsi Óttars hljóðfærasali og trommuálfur og Ingimundur Óskarsson bassastrumpur eiga báðir afmaul (afmæli í feirtölu fyrir málhalta) í dag! VEI! Hann á ammaulídag, hann á ammaulídag, hann á ammaul alveg báðir, hann á ammaulídag.

Þeir lengi lifi, rétt eins og Gunnar Kveðst, sem átti ammæli í gær. Hann er sko fínn kall, Guðfræðimenntaður og allt - enda perri.

Lag dagsins er Pervert með Buff. Enginn linkur á það, kaupið bara diskinn, eymingjarnir ykkar - nú, eða biðjið um hann í jólagjöf frá Jólasveininum.

Jólalag dagsins er Ég sá mömmu kyssa Jón og Sveins. Þess vegna "kemur" Jólasveinninn í kvöld.

Maður ársins

2006-12-17T18:02:00.000Z

Ég var valinn maður ársins af Time! Jibbí! Kom mér reyndar ekki svo á óvart þegar ég heyrði þetta í fréttunum í útvarpinu í morgun, þar sem ég hef löngum verið meðvitaður um eigið ágæti. En ég vil þakka Time fyrir skarpskyggni sína og smekkvísi. Eðaltímarit greinilega.

Má samt taka það fram að á fjórða áratug síðustu aldar var Adolf nokkur Hitler (ekki rugla honum saman við Adolf Rickenbacker) valinn maður ársins af sama blaði.

Hvað um það, ég er í fíling og er hress. Eitt spilerí eftir fram að jólum, nóg til af hangiketi, búinn að kaupa eitthvað af gjöfum, blablablabla.

Lag dagsins er fyrsta jólalagið hér á þessari bloggsíðu. Kíkið hér.

Nánar síðar.

Ammæli Framsóknar

2006-12-16T13:52:00.000Z

Framsóknarflokkurinn er 90 ára í dag.

Ég held að hann hafi alltaf verið 90 ára.

Sprellar á lofti

2006-12-15T23:59:00.000Z

Lék og söng með Stebba litla Stuð í gær. Einkar gaman, sérstaklega af því að Eysteinn í Syntax Error mætti á svæðið með hristur og gjöll og lék með oss af miklum móð. Siðrekur glæpón mætti á svæðið og héldum við til veislu á ónefndum stað eftir gigg. Þar var margt um manninn og hápunkturinn var eflaust þegar landsfrægur grínisti steig á stokk og sveiflaði sprellanum framan í fólk. Gersamlega unpayable.

Ekkert spil um helgina, svo legið verður í víddjói og verzalaðar jólagjafir. Í þessum skrifuðu orðum er Sveppur hinn eldri að kveikja á Lock, Stock o.s.frv.

Jibbíkóla.

Lag dagsins er Drumbone með Blue man group.

Ju

2006-12-14T17:28:00.000Z

Gott ef ég og Stebbi Stuð erum ekki að spila á Q-bar í kvöld. Mætið öll, annars sker ég af ykkur ennið.

Hvað um það, hér er getraun. Poppgetraun.

Hver er hljómsveitin?

Bassaleikaranum var boðin staða í Toto og seinna í hljómsveitinni Chicago. Hafnaði þvi, því hann vildi einbeita sér að hljómsveitinni sem spurt er um. Eftir að sveitin hætti spilaði annar meðlimur hennar með Whitesnake og enn annar með King Crimson.

Hljómsveitin var voða vinsæl in ðí eitís.

Vinsælasta lagið þeirra var rólegt lag með fullt af syntamottum.

Þeir fengu nafnið sitt af ístegund.

Verðlaun eru einn bjor í kvöld á Kúbarnum.

Leikkonugetraun

2006-12-13T14:02:00.000Z

Væri ekki mál, eftir langa bið, að hafa leikkonugetraun? Hér er ein...

Spurt er um leikkonu. Hún ber sama eftirnafn og gríðarlega frægur tónlistarmaður. Hún er gift öðrum gríðarlega frægum tónlistarmanni (með allt annað eftirnafn) og hefur leikið í bíómynd á móti honum. Sú mynd endaði á því að hann henti henni í stóran haug af skít.

Hún er Íslandsvinur.

Hver er hún?

Lag dagsins er I feel love með Blámannsbandinu.

Ekki fótur fyrir þessu

2006-12-13T13:12:00.000Z

Ætli Heather Mills sé að fara á Amster á fyllerí? Fá sér í fótinn...

Sjá hér.

Annars er ég í fíling, þrátt fyrir að hafa verið vakandi í alla nótt með Litla-Svepp. Hann nebblega fékk 40 stiga hita og læknirinn kom og alles. En hann er miklu betri núna og er að hressast, sérstaklega eftir að hann fékk sápukúlubox í skóinn.

Nú blæs hann sápukúlur upp um alla veggi og súlur og hananú.

Jólaglöggskortur Sveins

2006-12-12T12:46:00.000Z

Ætlaði að fara á jólaglögg Extons í gær og detta í það. Sofnaði kl.8 með Yngri-Svepp í fanginu í rúmi Eldri Svepps. Vaknaði þar kl. hálfníu í morgun, ÓGEÐSLEGA SVANGUR!

Þetta er í þriðja skiptið sem ég skrópa í jólaglöggið. Biðst afsökunar og lofa að gera þetta aldrei aftur.

Skítugir sokkar og rauðvínslegnar buxur

2006-12-11T18:22:00.000Z

Hæ.

Hvað segiði gott? Ég er hress sem slíkur. Var að spila á Celtic Cross um helgina með honum Binna mínum. Skrapp svo niður á Arabar (Amsterdam) eftir gjugg á sunnudagsmorguninn og gestaði með Buffinu, sem er ávallt hreinn unaður. Sá þar einfættan mann, áfengisdauðan á stól með gerfilöppina liggjandi uppi á nærliggjandi borði. Sem sagt, ekki föst á hann, heldur bara liggjandi sem slík. Vissulega sárvorkenndi ég manninum að vera mínus ein löpp, eitthvað sem ég myndi ekki vilja lenda í, en fannst þetta samt líka svolítið skondið. Hitti fullt af skemmtilegu fólki, sem og bjartsýnu. Bjartsýnasta fólkið voru Ellen og Bengta, sem reyndu að fá mig til að dansa. Slíkt geri ég einfaldlega ekki.

Eníhjú, jólahlaðborð Tónabúðarinnar í gær og át ég á mig gat. Drakk samt varlega og sparlega. Át ógeðslega mikið af reyktu kjöti og prumpa sinnepsgasi.

Jólaglögg Exton í kvöld... á ég að fara? Frítt brennivín og skemmtilegt fólk, en á móti kemur að stundum er frítt áfengi dýru verði keypt og oft er gott að sitja heima og horfa á Law and Order.

Djamm eður ei, þar er efinn...

Bleh

2006-12-11T16:56:00.000Z

Sá í fréttum fyrirsögn. Sú sagði mér að Solla stirða væri einhversstaðar í 4. sæti - ég vissi ekki einu sinni að hún hefði farið í prófkjör!

Jólagjöfin mín í ár.

Meira bull seinna.

Bryndreki Sveins

2006-12-08T18:25:00.000Z

Hún á ammælídag o.s.frv. hún Dr. Brynhildur Skrymbrildur Stefánsdóttir Frölich. Til lukku með að vera orðin gömul kona í sveitinni, hjartans krúsíbollan okkar allra.

Og, já, ég veit Eyvindur að ég skrifaði ekki afmæliskveðju fyrir þig í gær, en þú ert bara ekki jafn sætur og hún Brynka. Sorrí. Mér finnst samt leiðinlegt að hafa ekki komist í ammælispartýið þitt. Kem bara næst, það er ekki nema 364 dagar þangað til. Svo er bara rétt rúmlega ár í ammælið mitt.

Annars, gott fólk, var ég að spila með Stebba Stuð í gær á Q-bar, sem er flottur staður. Við vorum í stuði og spiluðum fram á morgun við mikla hrifningu beggja gestanna. Svo er ég að spila í kvöld og annað kvöld á Celtic Cross. Verð þar með Binnanum mínum í kjallarahorninu fram á rauðan morgun. Við höfum í hyggju að vera skemmtilegir, spila bjór og drekka tónlist. Og, jú, reykja KRAKK!

Ég sá frétt á mbl um daginn, hvar sagði frá því að löggan í Mæamíhreppi Bandaríkjanna hefði bjargað nöktum manni frá krókódíl einhversstaðar úti í feni. Hann gat ekki útskýrt hvað hann var að gera berlæraður úti í mýri, og það syngjandi og öskrandi, en viðurkenndi að hafa verið að reykja krakk. Betri forvörn er ekki til - reyktu krakk og þú gætir verið étinn af syndandi og andfúlli risaeðlu.

Ég hef því ákveðið að fara aldrei til Mæamí.

Tielman-bræðurnir

2006-12-06T17:03:00.000Z

Pjetur heitir maður og er Stefánsson (já, Pjetur, ekki Pétur) - sá hinn sami og samdi lagið Ung og rík. Skrýtinn og skemmtilegur karl.

Hann kom í verzlunina áðan og benti mér á þetta.

Alger schnilld, annar gítarinn tjúnaður langt niður (eitthvað sem þekkist ekki fyrr en löngu eftir að þetta var tekið upp) og stælarnir áratugum of snemma. Þessir rokkarar voru langt á undan sinni framtíð, beint úr indónesíska fátækrahverfinu í Haag. Þetta er nýtt uppáhaldsband hjá mér.

Njótið.

Síminn hans Guffa

2006-12-04T22:20:00.000Z

inniheldur myndavél. Með henni náði hann þessari mynd.

Annars er ég að horfa á, einhverra óskiljanlegra hluta vegna, sjónvarpsmynd á Stöð 2. Hún heitir eitthvað eins og "Gröf Tútankamons konungs" og er held ég hreinlega versta Indiana Jones-kópía sem ég hef séð - og hef ég nú séð ýmislegt. Verri en "King Salomons Mines" með Richard Chamberlain og Sharon Stone, jafnvel mun verri en "Librarian" með Noah Wyle og Kyle Makklakklan.

Svo vond er myndin að tær unaður er á að horfa, enda er hinn rómaði Casper Van Diem í aðalhluttverki. Malcolm McDowell er vondi kallinn eins og venjulega. Hann hlýtur að vera með versta umboðsmann bíósögunnar, frábær leikari sem leikur undantekningarlítið í sorpi.

Það hefst með Todmó

2006-12-04T19:46:00.000Z

"Bara taka sjénsinn út á yzta grensinn" - agalegt leirburðarstagl hjá annars frábærri hljómsveit.

Sunnudagskjaftæði

2006-12-03T17:00:00.000Z

Var að koma úr Húsasmiðjunni, hvar hálf þjóðin var að kaupa jóladrasl. Agalega leiðinlegt. Jólaundirbúningur er bara hreinlega eitt það leiðinlegasta sem ég veit, nema hvað mér finnst svaðastuð að kaupa jólagjafir handa mínum nánustu (mínum nánösum).

Hvað um það, drulluþreyttur eftir þriggja kvölda spilerí. Trúbb á fimmtudaginn og Swiss á efri hæð Dubliner í gær og fyrradag. Ansi hreint pakkað og mikið um gesti og að öðrum ólöstuðum var mest gaman þegar Magni kom með Dilönu, vinkonu sína og þau spiluðu og sungu með oss í miklu meira en klukkutíma. Staðurinn auðvitað stappfylltist og röðin náði, að sögn dyravarða, út að Einari Ben. Dyraverðirnir sögðu mér svo líka að Toby hinn ástralski hefði mætt, en hreinlega ekki komist upp á efri hæð sökum mannmergðar. En mikið svakalega var gaman að þessu og vil ég þakka Magna kærlega fyrir innlitið.

Eitt finnst mér þó agalegt - sökum einhverra reglna um hávaðamengun er nú bannað að hafa gluggana á Dubliner opna, sem stuðlar að gríðarlegri köfnunartilfinningu starfsfóks og pottþett talsvert aukinni hættu á lungnakrabba. Lagast þó örugglega eitthvað þegar reykingar verða bannaðar á sæsta ári, en ég held ég kafni pottþétt áður.

Ekki meira að sinni, veriði sæl og snæðiði snæri.

Skattur, part II

2006-11-30T11:26:00.000Z

Var að hringja niðrí skatt að spyrja um konuna, sem þar á að vera að sjá um að leiðrétta mín mál (á að vera að sjá um, nóta bene, hún er alveg pottþétt ekki að því). Eníhjú, fékk enn einu sinni það svar að hún væri ekki við og enginn annar gæti aðstoðað mig. Ég er farinn að hallast að því að þessi kona sé alls ekki til í alvörunni.

Voffi

2006-11-29T12:16:00.000Z

Einmitt það sem við þurfum - fleiri útúrdópaða hálfvita með skotvopn.

Sjá nánar hér.

Skattur

2006-11-29T10:16:00.000Z

Ég er fargings brjálaður útí skattinn núna. Of langt mál að fara út í, en óhætt að segja að ekkert af því fólki sem ég hef rætt við varðandi mín mál hjá skattinum hefur orð eins og "þjónustulund" eða "liðlegheit" í orðabókinni sinni. Jafnvel að í stöku tilfellum að "kurteisi" sé einnig gersamlega ókunnugt orð.

Leyfi ég mér að fullyrða að fæstir þeirra sem ég hef talað við þar í síma myndu spjara sig í einkageiranum.

Orð dagsins er AAAAAAAAAAAAAAAAAAAAAAAAAARRRRRRGGGGH!!!!

Setning dagsins er "Hún er ekki við í dag" (sem ég og endurskoðynjan höfum fengið að heyra í næstum því öll skiptin sem við hringjum að leita frétta af mínum málum hjá embættinu - spauglaust).

Lag dagsins er Taxman, hér í flutningi kviðmáganna Clapton og Harrison.

Eitís er yndislegt

2006-11-28T13:42:00.000Z

Steve Möller er frábær eins og sjá má hér.

Herraþjóðin átti líka hittara sama árið, eins og t.d. þennan. Gott ef Pétur í Filmusi syngur ekki lagið.

1982 var gott ár.

Hef ekki meira um það að segja.

Síessæ

2006-11-28T09:48:00.000Z

Hugsið ykkur... það hafa verið framleiddar 6 seríur af CSI. Það eru 144 þættir. Svo hafa verið gerðar 4 seríur af CSI:Miami. Það eru 96 þættir. Nýjasta frasjæsið er CSI:New York, en tvær seríur hafa verið gerðar af þeim ágæta þætti. Það eru 48 þættir. Samtals gera þetta 288 þættir af CSI í hinum ýmsu myndum.

Ég hef séð ALLA þessa þætti - nema einn. Ég kláraði ekki þáttinn þar sem kall dettur niður dauður við pylsustand í Las Vegas, með fullan maga af ómeltum mat. Á hann hinsvegar á dvd (eins og þetta allt saman) og horfi á hann í vikunni.

Sökum þess hve ég er vel að mér í þessu get ég upplýst ykkur um að spennandi hlutir eru að fara að gerast bæði í New York og Miami. Og, já, ég veit - þú þolir ekki Horatio Caine, en mér er alveg sama.

Eftir allt þetta sjónvarpsþáttagláp á ég enn óopnaðar myndir eins og Million Dollar Baby og Passion of the Christ í hillunni minni. Fer í það eftir næstu helgi, strax og ég er búinn með fimmtu seríuna af 24, hvar vinur minn, Kiefer Donaldsson, fer mikinn og drepur fólk um víðan völl svo það drepi ekki annað fólk.

Lifið heil.

Kyrk

2006-11-25T22:03:00.000Z

Stundum þarf ekki mikið til að gleðja mann. Þetta til dæmis gerði daginn betri. Þó tal ég að Kobbi Magg í Tappanum verði glaðari, þar sem hann er Stranglersaðdáandi númer eitt. Ég er líklega neðarlega á topp tíu-listanum.

Fyndið að eitt og sama bandið skyldi gera lög jafn ólík og þetta hér og svo þetta hér.

Eníhjú, sá Stranglers fyrir tveimur árum og þeir voru einkar skemmtilegir. Var reyndar svolítið svartur á konsertnum, en það var í lagi. Hlakka gríðarmikið til að sjá þá aftur og vona bara að þeir klikki ekki á því eins og þeir gerðu ´86, þegar þeir áttu að spila á listahátíð, en komu svo bara hreint ekki. Fengum við Íslendingar Fine Young Cannibals í staðinn, sem verða að teljast ein verstu skipti tónlistarsögunnar.

Annars er ég bara hress, búinn að fá nýja Steipleisjón 2 tölvu, þá þriðju sinnar tegunar í minni eigu. Spilaði Timesplitters 2 við Eldri-Svepp í dag og það er svakastuð.

Lifið heil.

Skrabbetí skrabbl

2006-11-24T22:08:00.000Z

Var að spila í gær á Döbb og var það bara þó nokkuð gaman, sérstaklega þar sem úglendingar einhverjir gáfu mér fullt að drekka. Svo kom Ingi Valur og spilaði og söng, spilaði og söng. Ekki nóg með það, heldur kom sjálfur Eiríkur Haux og spilaði og söng heillengi. Verður það að teljast dýrasti pásutrúbadúr nóvembermánaðar.

Annars gaman að öllu þessu Michael Richards-veseni. Hann er varla skriðinn út úr bíógetrauninni minni þegar hann kemst í heimsfréttirnar fyrir æði misheppnað grín um einhvern blökkumann sem var að gjamma frammí hjá honum þegar hann var að skemmta. Einhver tók þetta upp á myndband og dreifir um öll sjónvörp og heimsbyggðin stendur á öndinni - úúúúú, hann kallaði einhvern niggara og sverti hans göfuga kynstofna. Jú, það er svosem rétt að þetta var æði ósmekklegt og allt það, en hefur engum dottið í hug að kæra þann sem tók þetta upp? Er ekki kolólöglegt að mynda án leyfis svona standöpp? Kramer er búinn að biðjast velvirðingar á þessum tæknilegu mistökum, en glæpóninn með kameruna telur pjéningana sem hann fékk fyrir að selja þessa ólöglegu upptöku til sjónvarpsstöðvanna. Má líka taka fram að þetta er ekki í fyrsta sinn sem uppistandari gerist sekur um rasisma, má nefna Chris Rock og Richard Pryor sem dæmi.

Hér er gott dæmi um rasismagrín af skástu sort. Og áður en einhver byrjar að benda mér á að þessu má ekki líkja við innanhúsmet Kramers í brjálæððiskasti, þá vil ég taka það fram að ég veit það vel, ég er ekki að líkja þessu saman, ég er ekki hálfviti. Eða jú, bara ekki svo mikill hálfviti.

Eníhjú, ég var að fjárfesta í CSI, seríu númer 6 og CSI:NY, seríu 2 seinni hluta. Hefst handa við gláp strax og ég er búinn með 24, seríu 5.

Allir hressir?

David var það, heillin

2006-11-23T18:05:00.000Z

Einhver Stefán réði gátuna mína, en rétt svar við henni var David McCallum. Rangt svar var hinsvegar Roger Moore, sem og William Shatner.

David þessi leikur t.d. í NCIS, en þar leikur hann Dr. Donald, sem er sami karakter og hann lék í JAG-þáttunum. Hann lék í Man from U.N.C.L.E. í gamla daga, feykiskemmtilegir sjónvarpsþættir og myndir.Þeir þættir/myndir voru eitt af svörum USA við Bond og gengu á tíðum aðeins of langt, rétt eins og Flint, ef menn þekkja þær myndir. Má geta þess að Bjarni, vinur minn, gaf mér hér í eina tíð U.N.C.L.E.-myndina Karate Killers og er ég honum eilíflega þakklátur.
McCallum lék einnig með Charles Bronson í Great Escape í gamla daga. Það var ótrúlega skömmu áður en Bronson stal Jill Ireland undan honum og lét sig hverfa. Ljótt af þeim, enda eru þau bæði steindauð, en McCallum hress.

Annars var ég að semja um kaup á Fender Stratocaster plus-gítar, en hann er fagurblár að lit. Átti hann einu sinni, en seldi og sá alltaf eftir því. Nú hef ég eignast hann á ný, en á einum mixer minna en í gær. Svo keypti ég aftur um daginn heimasmíðaðan Telecaster sem ég hafði eitt sinn selt og lét upp í hann forláta tape-echo frá sjöunda áratug síðustu aldar. Samt er alveg sama hvað ég á af gíturum, ég nota alltaf Music Man-inn minn, sem er áberandi langbesti gítar í gervöllum heiminum, og þótt víðar væri leitað. Hér er mynd af svipuðum gítar í faðmi skapara síns.

Enn eitt getrauna

2006-11-23T11:08:00.000Z

Fyrst José tók síðustu getraunina í nebbann sinn er hér önnur.

Spurt er um leikara.

Hann hefur leikið í fullt af stríðsmyndum.

Hann lék fyrir mörgum árum í gríðarvinsælum sjónvarpsmyndaflokki.

Nú leikur hann í sjónvarpsþáttum sem sýndir eru hérlendis. Þar leikur hann sama karakter og hann lék í öðrum sjónvarpsþáttum. Gaman að því.

Hann var eitt sinn giftur leikkonu. Sú skildi við okkar mann og giftist öðrum leikara, sem leikið hafði með okkar manni í gríðarvinsælli mynd. Hún og seinni maður hennar eru bæði látin, en okkar maður er hress, eftir því sem ég best veit.

Okkar maður hefur leikið á móti Donald Pleasence, Jane Seymour og Richard Harris.

Hver er kallinn?

Annars er ég á Döbb í kvöld, mætið sum.

Djétrauhn

2006-11-22T20:22:00.001Z

Bévítans. Var að spila í gær á Döbb, gaman að því. Villi Goði kíkti við, sem og Denni hinn ísfirski og voru þeir að sjálfsögðu látnir taka gítar í hönd og leika og syngja meðan ég snýtti mér. Stoppkvefaður og viðurstyggilegur. Fór því ekki í vinnu í dag, við lágum bara heima feðgarnir, báðir með smá hita og ég með Nezeril í annari nösinni og hor í hinni. Algert ógeð. Ööööö. Vonast þó til að drullast í vinnuna á morgun, enda nóg að gera í búð Tóna. Svo tekur við gítarkennslan og að því loknu gigg á Döbb. Gaman að því.

Jæja, þá er verst að skjóta fram bíógetraun, enda ekkert skárra að gera.

Spurt er um leikara. Hvað annað?

Hann var atvinnuíþróttamaður og fatamódel.þegar honum bauðst eitt aðalhlutverkið í ódýrri spennumynd sem heldur betur sló í gegn. Í þeirri mynd lék gríðarfrægur poppari lítið hlutverk.

Hann hefur leikið í myndum með Tom Cruise, Jean Reno, Donald Sutherland og mörgum fleirum.

Hann hefur leikið í geimmynd.

Hann hefur leikið glæpamenn, bæði stór- og smáglæpamenn auk þess að leika bæði gerspilltar og strangheiðarlegar löggur.

Hann samdi nýverið um að leika í mynd, byggða á gríðarlega vinsælli bók úr gríðarlega vinsælum bókaflokki.

Hver er karlanginn?

Stuð

2006-11-21T15:13:00.000Z

Tékkið á þessu. Þetta er úr Phantom of the Paradise, útúrsúrri bíómynd eftir Brian De Palma. Brilljant mússík eftir Paul Williams, sem samdi m.a. lögin í Bugsy Malone. Myndin er gríðarlega lauslega byggð á Phantom of the Opera. Fyrra lagið, Somebody super like You, var íslenskað af Eika Haux hér um árið og kom út á vínilplötunni Skot í myrkri. Hét þá ef ég man rétt Súperhetjan.

Eníhjú, Gauti danskirass er að snæða bíógetraunina mína. Svar við síðustu getraun var jú Michael Richards, betur þekktur sem Kramer í Seinfeld. Bara gaman að því.

Til lukku, Gauti, þú ert afbragð.

Ný getraun ögn síðar.

Bíógetraunin síðan í gær

2006-11-21T10:20:00.000Z

Menn eru að drulla upp á þak í bíógetrauninni minni.

Hér er aukavísbending - hann lék eitt sinn hálfþroskaheftan húsvörð hjá sjónvarpsstöð einni. Húsvörður þessi reyndist betri en enginn þegar á reyndi.

Þar hafiði það og komið nú með rétt svar.

Bíógetraun #3 í dag

2006-11-20T20:03:00.000Z

Ákvað að lúberja eigið persónulegt met og henda inn þriðju bíógetrauninni í dag.
Spurt er um leikara, sem endranær.

Leikari þessi hefur leikið ýmis hlutverk, en hefur helst sést í gamanmyndum og gamanþáttum í sjónvarpi.

Hann lék feykiúrræðagóðan leigumorðingja í eitís-mynd, hvar kjarnorkuváin og kalda stríðið voru í algleymingi.

Hann lék einnig lítið hlutverk í mynd, sem byggð var á sketsum úr Saturday Night Live.

Hann lék einnig í Miami Vice-þætti.

Þekktastur er hann fyrir að leika eitt aðalhlutverkið í einum vinsælasta gamanþætti sjónvarpssögunnar.

Hver er kallinn?

Verðlaun eru einn svellkaldur á Dubliner annað kvöld.

Stop calling me Shirley

2006-11-20T16:37:00.000Z

Fyrst ég er í Bond-fíling er tilvalið að henda þessu lagi inn. Þetta eru Propellerheads (sem rímixuðu hér í eina tíð titillagið úr On her Majesty´s Secret Service) ásamt Shirley Bassey (sem söng lögin í Goldfinger, Diamonds are forever og Moonraker).

Svo er tilvalið að henda inn annari getraun, fyrst Bjarni malaði síðustu.

Í þessu myndbandi leika tveir leikarar, sem voru óþekktir með öllu þegar myndbandið var gert. Ótrúlega skömmu síðar urðu þeir svolítið frægir. Hvað heita þeir?

Ég þakka þeim sem hlýddu, veriði sæl.

Bjarni malaði þetta

2006-11-20T14:55:00.000Z

Meðan aðrir skildu varla getraunina tók Bjarni Randver sig til og rótburstaði dæmið, enda ekki við öðru að búast af fræðimanni og fjölmiðlastjörnu (hann er sumsé Guðfræðingur og átti nærri heila opnu í síðasta DV í feykimálefnalegri umræðu um séra Moon).

Leikarinn, sem ég spurði um, er sumsé Edward Fox. Hann lék í Bond-myndinni Never say never again. Hann lék líka hinn spregióða Dusty Miller í Force 10 from Navarone, en í Guns of Navarone var það einmitt David Niven sem lék sama mann - Niven lék Bond í ´67-útgáfunni af Casino Royale. Force 10 er mjög náskynd Bond-seríunni, því leikstjóri hennar er Guy Hamilton, sem leikstýrði Goldfinger, og í henni léku, auk Fox, Barbara Bach (Spy who loved Me), Richard Keel (Spy who loved Me og Moonraker) og Robert Shaw (From Russia with Love).

Má svo geta þess að Richard Keel lék leigumorðingja, sem gekk undir nafninu Jaws, en Robert Shaw var étinn í mynd sem hét Jaws.

Edward þessi lék svo í Wild Geese 2, sem er alvond mynd. Þar lék hann bróður mannsins sem Richard Burton lék í Wild Geese, hinni upphaflegu.

Svo á hann líka bróður að nafni James (reyndar fleiri, en James er frægastur).

Persónulega fannst mér Fox flottastur í Day of the Jackal, sem er talsvert betri en "endurgerðin" með Bruce Willis.

Annars er ég bara hress. Hvað með þig?

Helgi Sveins

2006-11-20T10:11:00.000Z

Stuð um helgina. Var að spila með Inga Val í einhverju partýi hjá Kögun í Þróttarheimilinu á föstudagskveldið, en það ágæta hús er einmmitt við hliðina á Laugardalshöllinni, hvar Molarnir spiluðu fyrir (er mér sagt) troðfullu húsi. Þeir fengu samt ekki jafn gott að borða og við Ingi - eða jafnmikið íslenskt brennivín. Ég þurfti reyndar að sjá alveg um brennivínið sjálfur, en fannst það ekkert leiðinlegt. Hitti þar Siggu vinkonu, sem ég hafði ekki hitt í ein seytján ár. Gaman að því.
Var sumsé blindfullur í lokin og svaf ekki rassgat aðfaranótt laugardags. Sem var allt í lagi, því á laugardaginn lögðum við Eldri-Sveppur af stað í leiðangur, eins og fílarnir hér í denn. Skutumst í bíó að sjá nýju Bond-myndina. Er skemmst frá því að segja að svona góð Bond-mynd hefur ekki verið smíðuð síðan nítjánhundruðsextíuogeitthvað. Nýji Bondinn tekur þessa Moore, Dalton, Brosnan beisikklí alla nema Connery í nefið.
Mér þótti líka vænt um að sjá setninguna "based on the novel by Ian Fleming" í byrjun myndarinnar, eitthvað sem hefur ekki sést í Bond-mynd síðan ég var enn í grunnskóla.
Eníhjú, myndin er sumsé drullugóð, fer reyndar stundum ögn fram úr sér á pörtum, en það er í lagi. Byrjunaratriðið er alveg svaðaflott og... æi, sjáiðanabara.

Hvernig finnst ykkur annars þetta:

Connery
Lazenby
Moore
Dalton
Brosnan
Craig
Valgeirsson

?

Þá er komið að kvikmyndagetrauninni, sem er hress í dag. Spurt er um leikara.

Hann á bróður, sem er líka leikari.

Hann lék eitt sinn í Bond-mynd. Svo lék hann eitt sinn í stríðsmynd, en í henni lék okkar maður karakter, sem áður hafði verið leikinn af Bond-leikara í annari mynd. Í þeirri mynd lék hann á móti frægum leikara, sem hafði leikið bófa í Bond-mynd.

Hann lék eitt sinn bróður Richard Burton.

Hver er kallinn?

Breiðholt

2006-11-17T14:52:00.000Z

Þurfti að opna fyrir löggunni í nótt, þar sem einhver var með dóppartý í stigagangnum mínum. Ekki í fyrsta skipti og ekki fyrsta íbúðin. Djö. Löggubílar, merktir sem ómerktir fyrir utan og löggur, með og án einkennisklæða.

Ég er drullusvekktur yfir þessu. Dópistapartý allar næturog mér aldrei boðið.

Lag dagsins er þetta.

Grúbbíur og aðrir aðdáendur athugið!!!

2006-11-16T14:09:00.000Z

Í janúar fór hljómsveitin Swiss til Danmerkur í þeim tilgangi að spila á Þorrablóti og drekka bjór - þó ekki endilega í þessari röð. Ég þakka Almættinu fyrir þessa síðu, en á henni má, ef vel er að gáð, finna óræk sönnunargögn þess að við héldum uppi stuði. Endilega kíkið á.

Árni

2006-11-15T18:05:00.000Z

Ég veit ekki með ykkur, en mér fannst Árni Nonsens ekki koma vel frá fréttatímanum í gær. Öll iðrun hans vegna afbrota þeirra sem hann var dæmdur fyrir virðist ímyndun ein. Þegar aðrir myndu tala um þjófnað, fjárdrátt og svik talar hann um "tæknileg mistök, sem enginn hafi tapað á". Bítur svo höfuðið af skömminni með því að taka vel og kyrfilega fram að fleiri hafi átt hlut að máli, en þó aðeins hann hafi fengið dóm.

Gunnar Örlygsson, í sama flokki og sama kjördæmi, fékk einnig á sig dóm hér í denn. Hann má þó eiga það, blessaður, að hann reynir ekki að moka skít sínum jafn klaufalega undir of lítið teppi, heldur segir hlutina eins og þeir eru - hann framdi afbrot, braut gegn lögum, gerði það sem ekki mátti.

Mér finnst verst að Árni er ekki í mínu kjördæmi, þá gæti ég kosið Flokkinn og strikað hann út, enda er Árni best geymdur í járni.

Sjá nánari umfjöllun hér.

Bauer, sería fimm

2006-11-15T10:34:00.000Z

Tók til óspilltra málanna í gær og setti 24 í tækið. Búinn að bíða spenntur eftir nýjustu seríunni og hef þegar lokið fyrstu fjórum þáttunum. Jibbíkóla.

Svo vil ég biðja fólk um smá greiða. Næst þegar þið gangið yfir götu á ljósum, horfið á grænu, nú eða rauðu, myndina af mannverunni. Ímyndið ykkur svo að þetta sé kona í buxum (eins og flestar konur nú til dags) sem sé að horfa í áttina til ykkar.
Með þessu getið þið sparað borginni umtalsvert fé.

Molar

2006-11-14T17:02:00.000Z

Sá frétt þess efis á mbl.is áðan að enn væru til miðar á tónleika Sykurmolanna í Laugardalshöll. Viðurstyggilega fyndið í ljósi þess að það seldist upp á Magna og félaga í Laugardalshöll á nótæm. Híhí.

Ernir og James-bræður

2006-11-14T14:49:00.000Z

Þrátt fyrir að vera ágætishljómsveit eru Eagles hálfgerðar kerlingar. Sjáið hér hvað Joe Walsh var að gera sama ár og ég fæddist, og svo hér hvað gerist löngu seinna, þegar hann er í Eagles.

Þess má geta að á fyrri upptökunni er trymbill, óhugnarlega líkur Jómba í Brain Police.

Nú er ljóst að sökum vinnu kemst ég ei að sjá Bond á frumsýningardaginn. Bévítans.

Allir í bíó á laugardag.

Toni Jómfrú

2006-11-14T12:00:00.000Z

Nú sé skammdegi. Þá er gott að lyfta sér upp svo vetrardrunginn nái ekki að kaffæra alla lífsgleði og jákvæðni sem býr innra með manni. Þá er annaðhvort hægt að hugsa fallegar hugsanir, nú eða bara kíkja HÉR!

Dóp

2006-11-13T20:03:00.000Z

Það er greinilegt að það er ekki nóg með að fólk eyði sumt öllum sínum peningum í eiturlyf, eiturlyf geta líka eytt peningum fólks. Sjá nánar hér.

Jarðaför

2006-11-13T10:29:00.000Z

Á föstudaginn var tengdapabbi jarðaður frá Fella og Hólakirkju, sem var einmitt troðfull af fólki. Bæði vinir og ættingjar, en líka svolítið magn af löggum, enda hef ég sjaldan haft jafn litlar áhyggjur af því að skilja jakkann minn eftir frammi í fatahengi.

Athöfnin var falleg, en þó eins laus við hátíðleik eins og svona athafnir geta helst orðið. Tókst séra Svavari (sem var talsvert miklu mun betri en enginn meðan gamli lá á spítalanum) meira að segja að fá tengdamömmu til að skella upp úr í miðri athöfn.

Hinsvegar tel ég prestinn hafa hagrætt sannleikanum allnokkuð á allavega einum stað. Hann sagði að tengdapabba hafi þótt gaman að fá sér snúning, sem er rétt, en hann sagði líka að hann hefði verið "lipur og áhugasamur dansari". Samkvæmt því sem ég sá var hann bara áhugasamur. Mjög áhugasamur reyndar, en ekkert sérstaklega lipur. Ber þó að geta þess að ég kynntist honum fyrst fyrir aðeins fimm árum síðan, en þá var hann búinn að ganga gegn um allnokkur veikindi, sem væntanlega hafa tekið sinn toll af lipurðinni.

Eníhjú, verð að minnast á músíkina - lögreglukórinn söng og það var voða fínt. Svo söng Friðrik Ómar tvö lög. Hann hefur skrópað í söngtímana hvar farið var í fölsku og óhreinu nóturnar. Hreint viðurstyggilega góður söngvari. Stebbi Stuð lék undir og hann er jú alltaf langflottastur, eins og lýðnum á að vera löngu orðið ljóst.

Tvær sögur af tengdapabba að lokum.

Félagar Edda úr löggunni, sem og vinir hans og fjölskylda hafa oft sagt mér sögur af honum og ein er sú sem sat fast í mér. Hann sumsagt stóð einhverntíma og horfði á krakka leika sér á skautum þegar ísinn brast og lítil stelpa datt niður um vökina og barst með straumnum undir ísinn. Eddi að sjálfsögðu stökk til og náði í krakkagemlinginn og þurfti þá eðli málsins samkvæmt að kafa allnokkuð frá vökinni og koma sér og stúlkukindinni til baka, sem er jú meira en að segja það.
Ég hef alltaf, þar til í gær, staðið í þeirri meiningu að þetta hafa hann gert sem lögregluþjónn á vakt. En í gær fékk ég loks að vita að þetta gerði hann þegar hann var fjórtán ára.

Svo er það sagan af mótorhjólinu hans Ívars mágs. Hann keypti einhverntíma hjól og karlinn var jú ólmur í að fá að grípa í, enda eyddi hann einhverjum parti lögguferilsins sitjandi á sama Harley og nú prýðir lögreglustöðina við Hverfisgötu. Stökk karlinn á bak og þeysti af stað á þvílíkum ógnarhraða að Ívar saup kveljur og óttaðist mjög um líf karlsins og mótorhjólsins (ekki viss um samt í hvaða röð). Nú, gamli rýkur um hóla og hæðir (og veggi og súlur)eins og Evil Knievel og kemur loks til baka. Kveður hjólið algera druslu, hann hafi rétt skroppið yfir hundrað og hjólið skolfið eins og hrísla. Hefði mátt halda að hann væri á miklu meiri hraða. Var voða hissa þegar Ívar tjáði honum að þetta væri mílumælir.

Kántdán til þess seytjánda

2006-11-08T22:56:00.000Z

Spenntur tel ég daga, stundir og mínútur fram að seytjánda degi nóvembermánaðar. Fyrir þá sem ekki vita hvað gerist þá er vísbending í söng og hljóðfæraslætti hér.

Annars væri stuð að kasta fram getraun. Spurt er um músíkant, sem einnig hefur leikið í bíómyndum og sjónvarpsmyndum - og þáttum.

Hann hóf ferilinn í leikhúsi. Svo lék hann í gríðarvinsælli bíómynd. Þrátt fyrir að hlutverk hans þar væri lítið - hann var stuttan tíma á skjánum áður en honum var bókstaflega slátrað - vakti hann þar gríðarlega athygli. Á sama tíma gaf hann út plötu í samstarfi við músíkant sem hann hafði kynnst í leikhúsinu. Það samstarf er óhætt að segja að hafi borgað sig, því þeir lögðu undir sig vinsældarlistana westanhafs.

Samstarfið var allbrösótt og okkar maður átti við verulegt áfengisvandamál að stríða. Er óhætt að segja að okkar maður hafi hreinlega drullað allverulega í brækurnar og allt fór í klessu og hann hætti störfum.

Seinna, þegar hann hafði tekið sig ögn saman í andlitinu, hóf hann að spila á ný. Nú var það ekki á íþróttaleikvöngum fyrir tugþúsundir manna, heldur á krám og skemmtistöðum. Smá saman byggði hann upp nýjan aðdáendahóp og fór að spila á stærri og stærri stöðum. Eftir mikið vesen og baráttu átti hann allsvaðalegt kombakk ríflega hálfum öðrum áratug eftir að hann fyrst sló í gegn.

Á hvíta tjaldinu hefur hann leikið fíkniefnasala, leigumorðingja og góða menn.

Hver er kallinn?

Spil

2006-11-08T10:25:00.000Z

Var að spila í gær og var það gaman. Aðallega kannski af því að Ingi Valur og Pétur Önd spiluðu og sungu megnið af kvöldinu. Ég sat á blaðurtörn.

Tékkið svo á þessu til að stytta ykkur stundir.

Langt liðið

2006-11-06T18:32:00.000Z

Þar sem ég sé að sumir eru farnir að hafa áhyggjur af mér vil ég láta vita af mér.

Ástæðan fyrir fjarveru minni frá bloggheimum er þó ekki skemmtileg. Tengdapabbi, Eddi Olsen, lést sl. þriðjudag á sextugsafmælisdaginn sinn, eins og eflaust sum ykkar vita. Því hefur margt annað verið ofar á forgangslistanum en nöldur og kvabb á vefnum, t.d. að sinna fjölskyldunni þar sem karlsins er sárt saknað.

Mig langar að þakka kærlega fyrir hlýlegar kveðjur og skeyti til litlu familíunnar minnar.

Sný aftur með kvabb og leiðindi á næstu dögum.

Einar ammæli - Andy hættur!

2006-10-26T12:24:00.000Z

Til hamingju með ammælið, Einar minn. Dröslaðu þínum rauða haus og öllu sem honum fylgir á Döbb í kvöld og ég skal gefa þér Guinness í ammælisgjöf.

Að öðru leyti er dagurinn ónýtur, því ég var að fá þær fréttir að Andy Taylor væri hættur í Duran Duran sökum ágreinings. Hann var t.d. aldrei fyllilega sáttur við að fara í samstarf við Justin Timberlake og hefur líka verið voða mikið veikur eitthvað. En þar sem ég náði að sjá "Fab Five" tvisvar, bæði í Egilshöll og Wembley, er ég nokkuð sáttur við það. Sjá nánar á heimasíðu Duran Duran.

Lög dagsins eru tvö, annarsvegar með Duran og hinsvegar með Power Station.

Lifið heil.

Hútters

2006-10-24T18:28:00.000Z

Mér sýnist vart nokkur kjaftur hafa klikkað á linkinn í síðustu færzlu. Kíkið endilega og gægist einnig á þetta hér og þetta hér.

Þess má geta að sveitin heitir ekki í hausinn á veitingastöðunum, heldur hljóðfæri.

Svo er minns að spila á Döbb í kvöld. Það verður eflaust ágætt.

Að lokum vil ég biðjast vélmyrðingar á að ekki hef ég gefið mér tíma til að setja inn slóð á alla vini mína í blogglandi, en það datt allt saman út er ég fór "back in black", eins og Gauti orðaði það. Kemur að´essu, samt...

Hvalalosti

2006-10-24T12:48:00.000Z

Áfram hvalveiðimenn! Mér er sko sama þótt við vitum ekki hvort einhver, og þá hver, kaupi afurðirnar, veiðum draslið. Þó svo feitir Ameríkanar kalli okkur morðingja, með kjaftinn fullan af hamborgurum og sendandi börnin sín til Írak, er mér sama. Þó svo einhver sænskur ráðherra sé brjálaður er mér sama - hann verður búinn að segja af sér von bráðar sökum spillingar ef ég þekki þessa bévítans Svía rétt. Þó svo, eins og segir í Fréttablaðinu í dag, þetta geti haft áhrif á gott gegni Nylon-flokksins, þá er það bara sár fórn á altari sjálfstæðisins.

Tímasetningin var kannski röng. Við hefðum auðvitað átt að hefja hvalveiðar daginn sem Kaninn ruddist inn í Írak. Nú, eða 11. september 2001. Einhverntíma þegar heimurinn hafði um annað að hugsa en hvort við veiddum okkur í matinn. Einhverjir segjast ekki vilja kaupa af okkur fisk því við drepum hvali - hvað með fiskinn? Drápum við hann ekki líka? Bévítans slefandi Grænfriðungs-Ingjaldsfíflin hafa greinilega siglt of nálægt einhverjum þeim kjarnorkutilraunum sem þeir voru að mótmæla.

Annars er ég bara hress, svona fyrir utan hausverkinn. Er að hlusta á nýju Iron Maiden-plötuna. Smá progg í henni, hljómar á smáköflum eins og þeir hafi verið að hlusta á gamlar Rush-plötur meðan þeir sömdu efnið á þessa. Mér finnst það ekki leiðinlegt.

Lag dagsins er ekki með Maiden.

Getraun og Da Vinci röfl með spojlerum

2006-10-21T12:25:00.000Z

Ég vil byrja á að óska Pésa Buffpylsu til lukku með að vera orðinn hálfsjötugur. Hann lengi lifi!!!

Vindum oss svo í getraun. Spurt er um poppara.

Hans rétta eftirnafn er O´Brien, en hann kallaði sig öðru nafni.

Hann átti megahitt ´93, en hefur ekki náð sama árangri síðan, þó hann hafi gefið út nokkrar plötur.

Hann er frá Kanada.

Hann sat inni fyrir líkamsárás hér í eina tíð. Hann var handtekinn og dæmdur aþþí að einhver kjaftaði í lögguna. Fyrsta og aðal hittið hans sótti innblástur í þann atburð.

Hver er kallinn?

Hugsið vel og kíkið svo á þetta...

Eníhjú, horfði á og sofnaði yfir Da Vinci Code í gær. Þó hún sé ágæt að mörgu leiti er hún síður en svo gallalaus. Til dæmis (Varúð - MEGASPOJLERAR!!!)er albínóinn furðu góð skytta miðað við að albínóar eru allir sem einn alveg obboslega nærsýnir (má benda á Cold Maountain í þessu samhengi líka). Svo er skrýtið - ef Jesú var bara maður og ekki Guð, sonur hans eða fjarskyldur frændi, eins og Tebing orðaði það - hvað er þá svona merkilegt við hann og hans ætt? Hvers vegna er talað um konunglegt blóð í því samhengi? Hvers vegna var ekki búið að opinbera leyndarmálið fyrir löngu? Var leyndarmálið þess virði að opinbera, tveggja þúsalda gamalt lík, sem engin leið væri fyrir nokkurn mann að staðfesta hver þetta hefði verið í lifanda lífi? Af hverju skutu löggurnar Sílas, þegar morgunljóst var að hann var með galtóman frethólk (rennan aftur og skotraufin opin)? Af hverju flúði Langdon frá löggunni, þegar hann var með pottþétta fjarvistarsönnun, væntanlega umkringdur fólki allan daginn, auk þess sem hann var að tala fyrir fullum sal fólks er safnvörðurinn var myrtur? Maður bara smyr sig...

Bíó

2006-10-20T21:34:00.000Z

Ég hef ekki verið nógu duglegur við að góna á bíó upp á síðkastið. Tókst þó í annari tilraun að klára Bleika Pardusinn með Steve Martin. Hún byrjar illa, en tekur sig ögn á seinnipartinn. Þegar öllu er á botninn hvolft er hún betri en sumt sem Sellers lék í, enda hætti hann að vera fyndinn á áttunda áratugnum. Einhver á eftir að berja mig fyrir að segja þetta, en ég minni þá á Return of the Pink Panther og Trail of the Pink Panther, sem voru hræðilegar.

Svo sá ég aðra endurgerð, Poseidon. Hún gefur orgínalnum ekki mikið eftir, er reyndar, þvert ofan í væntingar mínar, drullugóð. Fergie úr Black Eyed Pies fer með smáhlutverk í myndinni. Drepst reyndar áður en hún kemur fatalínnunni sinni á markaðinn.

Talandi um sjávarútveginn, keypti mér Jaws á dvd í einhverri bévítans viðhafnarútgáfu. Á hana reyndar á vídeó, en fannst bara svo asnalegt að hafa framhöldin í dvd-hillunni og engan orgínal. Endurnýjaði svo Bring me the Head of Alfredo Garcia eftir Sam Peckinpah. Warren Oates (þú veist ekkert hver það er) er aðal, Kris Kristofferson leikur nauðgara. Fín ræma og verulega ofbeldisfull.

Svo er maður búinn að marínerast í Monk og SNL-þáttum, gaman að því.

Lítið að frétta annars, allt í gúddí og flestir í fíling. Hvað er að frétta af þér?

Gaggggrýnt

2006-10-19T10:02:00.000Z

Eitt sinn var sagt að þeir sem ekki gætu, kenndu - þeir sem ekki gætu kennt, þeir gagnrýndu. Stundum hefur gagnrýni verið allnokkuð sérstök, miskunnarlaus, og jákvæð eða of neikvæð og svo framvegis. Starf gagnrýnandans er eflaust erfitt og æði oft sem menn drulla annaðhvort um of yfir það sem verið er að gagnrýna, nú eða bara upp á bak á sjálfum sér.

Í ljósi þess að vinur minn gaf út plötu nýverið, sem fékk ekkert svakalega góða dóma í einum fjölmiðlinum, langar mig að koma með nokkra punkta úr sögu gagnrýninnar. Reyndar bíógagnrýni mest, en það er af því ég er betur að mér í þeirri deild.

Usual Suspects fékk eina og hálfa stjörnu hjá Maltin. Hann breytti því seinna (einhver undirverktaki skrifaði rýnina).

Úlfhildur Dagsdóttir, bíórýnir hjá DV hér í eina tíð, valdi Saving Private Ryan eina af 10 VERSTU myndum ársins 1998. Armageddon var á topp 10 listanum yfir þær BESTU. Þetta var ekki það mest sjokkerandi sem hún skrifaði í gagnrýni sinni.

Sólóplata Jóns Jóseps fékk 5 stjörnur í Mogganum. Ég er ekki að reyna að segja neitt slæmt orð um Jónsa, dettur það ekki í hug, en fimm stjörnur eru toppurinn, fullkomnun, ekki hægt að gera betur, alger snilld.

Svo má benda á bíórýnina sem birtist í New Yorker þann 22. maí á því Herrans ári (demon of the Lord) 1977:

"An unbelievable story, no political or social commentary, lousy acting, prepostureous dialogue and a ridiculously simplistic morality. In other words, A BAD MOVIE!"

Þið verðið að geta hvaða mynd er verið að tala um í þessari gagnrýni, en ég skal gefa ykkur hint - leikstjórinn ber sama fornafn og núverandi forseti Bandaríkjanna. Eftirnafnið má tengja einni bók Nýja Testamentisins.

Að lokum vil ég benda á að ég er að leika fyrir þyrsta á Dubliner í kvöld. Sleppið öllu bévítans artí fartí búllsjittinu á Erveivs og kíkið bara í öl.

Lifið hálf.

Túrkmenistan

2006-10-18T11:21:00.001Z

Þjóðhátíðardagur Túrkmeninstan nálgast. Þjóðhöfðingi þess ágæta lands var víst að senda frá sér ljóðabók, svo indæla að menn tóku andvarp við hvert orð og klöppuðu mjög er hann las eilítið upp úr skruddunni. Svo er hann að vígja byggingu í bókarlíki, segja mér fréttir. Hann hefur það fínt, reyndar eilítið á kostnað málfrelsis almennings og mannréttinda, en einhverjar fórnir verður að færa til að umheimurinn fái svona skemmtilegar fréttir af þessum hressa einræðisherra, Túrkmenbasí.

Þjóðhátíðardagur Túrkmena er einmitt sami dagur og þessi mynd kemur í bíó, allavega í henni Ameríku. Vonandi þurfum við ekki að bíða lengi hér, enda fyrirrennarar myndarinnar í seríunni skemmtilegar mjög.

Er þjóðhátíðardagur Túrkmena, sem einmitt er einnig afmælisdagur Simon Le Bon, rennir í hlað væri ég til í að einhver gæfi mér svona, bara af því James Bond átti svona lengi vel. Hvað ætli hann sé með í nýju myndinni?

Eru menn ekki hressir annars?

Madonna

2006-10-17T20:19:00.000Z

Grey Guy Ritchie og spúsa hans. Þegar þau ætla að vera góð og almennileg og ættleiða blökkudreng úr moldarkofum Malaví er bara farið í mál við þau og allt sett í háaloft. Mér finnst flott þegar fólk gerir svona og ættleiðir einhverja krakkagemlinga frá bláfátækum ríkjum svo þau geti fengið að borða, búið í húsi en ekki moldarkofa og komist í háskólann og orðið eitthvað annað en geitahirðar eða stríðsherrar. Mest gaman held ég sé að vera litli strákurinn sem Angelina Jolie ættleiddi, hann Maddox. "Er þetta mamma mín, ókei, ég er sáttur við það, strýk aldrei að heiman - ha, á ég pabba núna? Brad Pitt - ókei, það er í lagi mín vegna!"
Ættleiðingar fræga fólksins eru ljómandi. Einhver sem hefði heitið Múkabe M´Gúmmí og unnið sem perlukafari allt sitt líf (í besta falli) er núna með síns eigins hárgreiðslumann og býr í Beverly Hills eða flottasta hverfi Lundúnahrepps, fer í góðan skóla og étur humar í morgunmat. Þarf ekki einu sinni fræga fólkið til. Sjáið bara fólk hér, ættleiðandi litla gemlinga frá Kína og öðrum fjarlægum stöðum, krakka hvers lífsgæði stökkva upp um einhver ljósár við það eitt að fara frá heimalandi sínu, sjóðheitu og fullu af eitruðum meindýrum og koma hingað. Það er náttúrulega hægt að missa sig eins og Mia Farrow og ættleiða hálfa Paragvæ, en þegar einhver sem vart veit aura sinna tal tekur að sér einn munaðarleysingja frá fjarlægu landi finnst mér það frábært.

Ég veðja á að litli blökkudrengurinn frá Malaví verði samt meiri pabbastrákur en mömmustrákur. Sjáið þetta fyrir ykkur, hann hlustar á Vogue, True Blue og Like a virgin og fussar og sveiar. Svo sér hann Snatch og dýrkar pabba sinn um aldur og ævi. Fyrirgefur mömmu sinni aldrei að hafa dregið pabbann út í gerð Swept Away.

Lag dagsins er með Rainbow, eftir að Graham Bonnet yfirgaf sveitina. Joe Lynn Turner þenur þarna raddbönd. Lagið er Street of Dreams af bestu plötu sveitarinnar, Bent out of Shape.

Hlerað

2006-10-16T12:01:00.000Z

Svar við síðustu gátu var John Woo. Gaman að því.

Skrýtið með þessar hleranir allar. Einn Baldwin-bræðranna, Jón Baldwin, segir sinn síma hafa verið hleraðan. Svo berast fréttir af því að menn hafi dottið niður á samtöl lykilmanna í Sjálfstæðisflokknum - bendir það ekki til þess að sjallarnir hafi verið fórnarlömb frekar en gerendur? Bendir það kannski ekki til neins - ég man að í gamla daga datt maður stundum inn á samtöl fóks.
Nú er þó enginn maður með mönnum nema hafa verið hleraður af leyniþjónustunni, menn keppast við að bjalla í blöðin og segja frá meintum hlerunum fyrir áratugum síðan. Hví sögðu þeir ekki frá þessu þegar þetta gerðist? Vöruðu þeir engan við? Ef Jón Baldwin var hleraður, því varaði hann ekki þingheim við? Segja allavega Alec, Stephen og William frá þessu.

Hvað um það, var að leika um helgina á Döbb. Á fös kíkti ég á Gauk fyrir gigg og sá Binna bössung leika þar með hinni sveitinni sinni, Múgsefjun. Skemmtileg músík og gott band. Svo fór ég yfir á Amster og sá Árna ungling með sveit sinni, Ebríetas. Ekki jafn skemmtileg músík, en drulluþétt rokk í dítjúni og hávaða. Gaman að því. Það var líka gaman hjá oss í Swiss. Við lékum bæði á Döbb og tókum svo nokkur lög í ammæli Tónabúðarinnar. Er óhætt að segja að Binni bössungur hafi einhverntíma verið hressari en þá, enda ómannúðlegt að vekja hann uppúr hádegi á laugardegi þegar hann er nýfarinn að sofa.

Jæja, meiri bíógetraun. Í tilefni allrar málefnalegu umræðunnar um leyniþjónustu hérlendis er spurt um mann sem lék nokkrum sinnum fræga leynilöggu sem var oft önderkover. Roger Moore lék þessa leynilöggu á eftir honum ásamt fleirum.

Hver er leikarinn?

Hann á ammælídag

2006-10-12T12:27:00.000Z

Binni á ammælídag og er 26 vetra gamall. Fyrir þá sem ekki vita sér hann um bössun í hljómsveitinni minni, Swiss (sem er að leika á Döbb um helgina og í búð Tóna á laugardaginn í ammæli sjoppunnar). Til lukku.

Að öðru - mér finnst agalegt að sjá helstu lykilmenn lands og borgar sleikja rassgatið á Yoko í fréttunum, hvað þá að vita til þess að borgin og hennar fyrirtæki séu að eyða þremur tugum milljóna í þessa bévítans frygðarsúlu (sjá ágætisgrein Manga um málið - klikka bara á linkinn á bloggið hans hér til hliðar).

Sem ég hef margoft áður sagt, þá veit ég nákvæmlega hvert hún getur troðið þessari blessuðu súlu sinni!

Hvað um það - bíógetraun. Spurt er um frægan mann úr kvikmyndageiranum.

Hann og hans familía flúðu heimaland sitt er hann var aðeins fimm vetra gamall. Ástæðan var sú að þau voru kristinnar trúar og urðu að flýja ofsóknir stjórnvalda. Flúðu í næsta land, hvar okkar maður varð frægur leikstjóri þegar hann varð stór.

Eftir að hafa haslað sér völl sem gamanmyndaleikstjóri við góðan orðstýr komu nokkur mögur ár. Svo ákvað hann að breyta eilítið um stíl og fór að leikstýra allt öðruvísi myndum. Hann átti það til að stela þónokkuð úr öðrum myndum - eða fá lánað til að votta þeim virðingu sína - og ein hans vinsælasta mynd var nk. endurgerð franskrar bíómyndar.

Nú, svo flutti hann til Bandaríkjanna og hefur gert ákaflega misgóðar myndir. Hann kveðst voðalega trúaður þó svo myndir hans beri þess kannski ekki merki. Samt á hann það til að lauma inn ákveðnu Jesútákni og hefur það verið svolítið hans treidmark.

Hver er maðurinn?

Lag dagsins er að sjálfsögðu með Graham Bonnet. Hér er hann í Rainbow ásamt gítargoðinu Ritchie Blackmore, bössungnum Roger Glover, Cozy heitnum Powell, sem lemur húðir, og Don Airey, sem sér um Hammondinn.

Jú, ég er víst í stuði!!!

2006-10-11T18:27:00.000Z

Ef sonur minn spyr mig einhverntíma af hverju konur séu svona skrýtnar verður svarið eitthvað á þessa leið:

"Þú skilur það þegar þú verður fullorðinn. Þá máttu hringja í mig og segja mér svarið, því ekki skil ég neitt í því".

Hvað um það, ég er ekki bara að leika ásamt strákunum mínum í Swiss á Dubliner um helgina, heldur líka í fertuxammæli Tónabúðarinnar á laugardaginn. Þá verður partý, snittur og gos, afsláttur á einhverju og fullt af skemmtilegu fólki að spila á hljóðfæri og syngja í míkrafón. Mætið sum og kaupið fullt af dóti.

Eníhjú, síðasti linkur var Graham Bonnet ásamt Steve Vai í Alcatrazz. Hér er hann með germanskri gítarhetju, Michael Schenker (áður í Scorpions og UFO), skömmu áður en hann var rekinn úr Michael Schenker Group fyrir skapofsa og leiðindi. Eina vídeóið með honum, mér vitanlega, hvar hann skartar síðu hári. Eitísrokk af skástu gerð.